اقش پرەزيدەنتى ەلگە الاپات داۋىل كەلە جاتقانى تۋرالى اقپاراتتان سوڭ ءىس-ساپارىن كەيىنگە قالدىردى، دەپ حابارلايدى "ادىرنا" ۇلتتىق پورتالى.
CNN مالىمەتىنشە، فلوريدا شتاتىنا "ميلتون" داۋىلى كەلە جاتىر. بۇل ەلدىڭ سوڭعى 100 جىلدىق تاريحىنداعى ەڭ الاپات داۋىل بولۋى مۇمكىن.
ال ۆۆس داۋىلعا بايلانىستى پرەزيدەنت دجو بايدەن گەرمانيا مەن انگولاعا ساپارىن كەيىنگە قالدىرعانىن حابارلادى.
“ميلتون” داۋىلىنىڭ تراەكتورياسى مەن كۇشىن ەسكەرىپ، پرەزيدەنت گەرمانيا مەن انگولاعا جوسپارلاعان ساپارىنان باس تارتىپ، داۋىلعا دايىندىقتى باقىلايدى”، - كارين جان-پەر.
بايدەننىڭ ءوزى جاعدايدى ء“ومىر مەن ءولىم” ماسەلەسى رەتىندە سيپاتتادى.
داۋىل سوڭعى كۇندەرى قاۋىپتىڭ 5 كاتەگورياسىنا دەيىن كۇشەيىپ، شىعىسقا قاراي ساعاتىنا 14,5 كم جىلدامدىقپەن قوزعالىپ كەلە جاتىر. ماماندار داۋىل فلوريداعا كاتاستروفالىق سالدار اكەلەتىنىن ايتۋدا.
مەتەورولوگتار داۋىل فلوريدا شتاتىنا 9 قازان كۇنى جەتەتىنىن بولجادى.
