اقش پرەزيدەنتى يرانعا جوسپارلانعان شابۋىلدى ۋاقىتشا كەيىنگە قالدىرۋ تۋرالى شەشىم قابىلداعانىن جازدى، دەپ حابارلايدى “ادىرنا” ءتىلشىسى.
بۇل تۋرالى ول Truth Social الەۋمەتتىك جەلىسىندەگى پاراقشاسىندا جاريالادى.
ۆۆس دەرەگىنشە، پرەزيدەنت اقش يرانعا قارسى اۋقىمدى اسكەري وپەراتسيا جۇرگىزۋگە دايىن بولعان. الايدا تەگەران مەن تاياۋ شىعىستاعى بىرقاتار مەملەكەتتەردىڭ ءوتىنىشى نەگىزىندە جانە كەلىسسوزدەر جۇرگىزۋگە مۇمكىندىك بەرۋ ماقساتىندا شابۋىل ۋاقىتشا توقتاتىلعان.
دونالد ترامپ تاراپتاردىڭ ىقتيمال كەلىسىمنىڭ نەگىزگى شارتتارى بويىنشا ورتاق مامىلەگە كەلگەنىن اتاپ ءوتتى.
«بۇل شەشىمدى الەمدەگى بەيبىتشىلىك پەن تۇراقتىلىقتى ساقتاۋ، سونداي-اق يراننىڭ بەيبىت ءارى وركەندەگەن بولاشاعىنا مۇمكىندىك بەرۋ ءۇشىن قابىلدادىم. ەگەر كەلىسىم جاقىن ارادا جاسالسا، اسكەري ءىس-قيمىلدارعا جۇگىنۋدىڭ قاجەتى بولمايدى»، – دەدى اقش پرەزيدەنتى.
سونىمەن قاتار ترامپ ءيزرايلدىڭ ماسەلەنى ديپلوماتيالىق جولمەن شەشۋگە باعىتتالعان باستاماسىن قولدايتىنىن جەتكىزدى.
