ۆاشينگتون دونباسس پەن قىرىمعا قاتىستى ۇلكەن جوسپار جاساپ وتىر
سوعىس ەكسپەرتى ۆلاديسلاۆ شۋرىگين ۆاشينگتوننىڭ دونباسسقا قاتىستى جاسىرىن جوسپارى جايىندا ءبولىستى. ونىڭ ويىنشا اقش-تىڭ رەسەيمەن تابان استىنان مامىلەگە كەلىپ، كەلىسسوزدەرگە شاقىرۋىنىڭ استارىندا ۇلكەن جاسىرىن جوسپار جاتىر دەيدى، vnnews.ru پورتالىنا بەرگەن سۇقباتىندا سوعىس ەكسپەرتى.
دجو بايدەننىڭ كرەملگە مۇنداي ينيتسياتيۆا ۇسىنا قالۋىنىڭ باستى سەبەبى - دونباستى رەسەيسىز-اق تازارتۋ جانە ءوزىنىڭ كۇشتەرىن ورنالاستىرۋ. اقش-تىڭ مەملەكەتتىك حاتشىسى توني بلينكەن مەن دميتري كۋلەبا اراسىنداعى كەزدەسۋ كەزىندە دە اقش تاراپى ۋكرايناعا قاتىستى ۇلكەن جوسپاردى ايتپاي، جاسىرىن ۇستاپ وتىر. اقش ۋكرياناعا كومەك بەرۋدەن باس تارتپايدى، رەسەيگە قارسى سانكتسيانى دا توقتاتپايدى. بىراق اقش ۋكراينانى تىكەلەي باسقارۋىنا الىپ، رەسەيگە قارسى "اشىق ەسىك" الاڭى رەتىندە ۇستايدى.
جوسپار بويىنشا ۋكراينا اقش-تىڭ سوعىس ەرەجەلەرى مەن زاڭدارىنا باعىنىشتى بولادى ءارى اقش-تىڭ سوعىس تەحنيكالارى مەن بازالارى ۋكراينا تەرريتورياسىنا تولىق ورنىعادى.
اقش ۋكراينا تەرريتورياسىنا اەرودرومدار مەن اۋىر سوعىس تەحنيكالارىنا ارنالعان ستراتەگيالىق ورىنداردى دا سالادى. سول ءۇشىن دە ۋاقىت سوزۋ ءۇشىن اقش رەسەيگە قارسى جۇمسارعان كەيىپ تانىتىپ وتىر دەيدى، اناليتيك.
سوعىس ەكسپەرتى ۆلاديمير شۋرىگين اقش ۋكراينا تەرريتورياسىندا رەسەيگە كەز كەلگەن ۋاقىتتا قارسى بلوك قويا الادى. وعان كۇشى دە، الەۋەتى دە جەتەدى. بىراق ۋكراينا تەرريتورياسىنا بازالارى ورنىققانشا جۇمسارعان ساياسات ۇستانىپ، ۋاقىت سوزۋ ءۇشىن كەلىسسوزدەرگە كەلۋگە دايىن دەپ وتىر.
ءدال وسى ساياسي پروتسەسسكە قاتىستى TopNews پورتالىنىڭ حابارلاۋىنشا قازىر دونباسسقا ءۇيىپ-توگىپ كىرگىزگەن رەسەيدىڭ زرك “پانتسير-س1” جانە “تور” سوعىس تەحنيكالارى كەرى قاراي قايتارىلىپ جاتىر ەكەن.
بەكبولات قارجان،
"ادىرنا" ۇلتتىق پورتالى
