مەملەكەت باسشىسىنىڭ جارلىعىمەن داستان رىسپەكوۆ ۇلىتاۋ وبلىسىنىڭ اكىمى لاۋازىمىنا تاعايىندالدى، دەپ حابارلايدى "ادىرنا" ۇلتتىق پورتالى.
جاڭا اكىم داستان رىسپەكوۆ 1984 جىل جەزقازعان قالاسىندا تۋعان.
ول ءال-فارابي اتىنداعى قازاق ۇلتتىق ۋنيۆەرسيتەتىن جانە قازمزۋ الماتى زاڭ اكادەمياسىن بىتىرگەن.
ەڭبەك جولىن 2006 جىلى الماتى قالاسىنداعى ەكونوميكا جانە بيۋدجەتتى جوسپارلاۋ دەپارتامەنتىنىڭ بولجامداۋ جانە تۇسىمدەر ءبولىمىنىڭ باس مامانى رەتىندە باستاعان. 2007-2016 جىلدارى الماتى قالاسىندا ەكونوميكا جانە بيۋدجەتتىك جوسپارلاۋ دەپارتامەنتىندە، الماتى قالاسى بويىنشا تەكسەرۋ كوميسسياسىندا، استانا قالاسى رەسپۋبليكالىق بيۋدجەتتىڭ اتقارىلۋىن باقىلاۋ جونىندەگى ەسەپ كوميتەتىندە باسشىلىق لاۋازىمداردا جۇمىس ىستەدى. 2018-2019 جىلدارى — پاۆلودار وبلىسى كاسىپكەرلىك، ساۋدا جانە تۋريزم باسقارماسىنىڭ باسشىسى، 2019 جىلدىڭ ءساۋىر ايىنان باستاپ «استانا ەكسپو-2017» ۇك» اق ەكونوميكا جانە بيۋدجەتتى جوسپارلاۋ دەپارتامەنتىنىڭ ديرەكتورى قىزمەتىن اتقاردى.
2020-2021 جىلدارى قر مادەنيەت جانە سپورت مينيسترلىگىنىڭ تۋريزم يندۋسترياسى كوميتەتىنىڭ توراعاسى.
وسى ۋاقىتقا دەيىن ۇلىتاۋ وبلىسى اكىمىنىڭ ورىنباسارى بولدى. ۇلىتاۋ وبلىسى 2022 جىلى قۇرىلدى.
ايتا كەتەيىك، 9 قازاندا پرەزيدەنت بەرىك ابدىعاليۇلىن قىزمەتتەن بوساتقان ەدى.
