ۇلىتاۋ وبلىسىنىڭ ۇلىتاۋ اۋدانىنا قاراستى جەزدى كەنتىندە «تازا قازاقستان – تىنىسى تازا ولكە» تاقىرىبىندا جاستارمەن كەزدەسۋ ۇيىمداستىرىلدى. ءىس-شارا «تازا قازاقستان» جالپىۇلتتىق ەكولوگيالىق باستاماسى اياسىندا وتكىزىلىپ، وسكەلەڭ ۇرپاقتىڭ ەكولوگيالىق مادەنيەتىن قالىپتاستىرۋعا جانە قورشاعان ورتاعا جاۋاپكەرشىلىكپەن قاراۋ قۇندىلىقتارىن ناسيحاتتاۋعا باعىتتالدى.
كەزدەسۋدىڭ باستى ماقساتى – جاستاردىڭ ەكولوگيالىق ساۋاتتىلىعىن ارتتىرۋ، تۋعان ولكەنىڭ تابيعاتىن قورعاۋعا دەگەن جاناشىرلىعىن قالىپتاستىرۋ، ەلدى مەكەندەردىڭ تازالىعىن ساقتاۋعا باعىتتالعان قوعامدىق باستامالاردى قولداۋ جانە جاستاردى قورشاعان ورتانى قورعاۋ ىسىنە بەلسەندى تارتۋ.
ءىس-شارا بارىسىندا قاتىسۋشىلار قورشاعان ورتانى قورعاۋ، ەلدى مەكەندەردىڭ سانيتارلىق تازالىعىن ساقتاۋ، تۇرمىستىق قالدىقتاردى بەلگىلەنگەن ورىندارعا تاستاۋ، قوعامدىق ورىنداردى تازا ۇستاۋ جانە تابيعي رەسۋرستاردى ۇقىپتى پايدالانۋ ماسەلەلەرىن تالقىلادى.
سونىمەن قاتار، جاستاردىڭ ەكولوگيالىق اكتسيالارعا، سەنبىلىكتەرگە جانە اباتتاندىرۋ جۇمىستارىنا بەلسەندى قاتىسۋىنىڭ ماڭىزدىلىعىنا ەرەكشە نازار اۋدارىلدى. تازالىقتى ساقتاۋ تەك ءتيىستى مەكەمەلەردىڭ عانا ەمەس، ءاربىر ازاماتتىڭ ورتاق جاۋاپكەرشىلىگى ەكەنى اتاپ ءوتىلدى.
كەزدەسۋگە قاتىسۋشىلار تۋعان جەردىڭ تازالىعى مەن كوركەيۋى ءار ادامنىڭ كۇندەلىكتى ءىس-ارەكەتىنەن باستالاتىنىن جەتكىزىپ، قورشاعان ورتاعا جاناشىرلىق تانىتۋ، تابيعاتتى ايالاۋ جانە قوعامدىق ورىنداردا تازالىق مادەنيەتىن ساقتاۋ قاجەتتىگىن اتاپ ءوتتى.
«تازا قازاقستان» باستاماسى – قورشاعان ورتانى تازارتۋعا باعىتتالعان شارالار جيىنتىعى عانا ەمەس، قوعامدا ەكولوگيالىق جاۋاپكەرشىلىك پەن تازالىق مادەنيەتىن قالىپتاستىرۋعا نەگىزدەلگەن ماڭىزدى قوعامدىق قوزعالىس.
مۇنداي كەزدەسۋلەر جاستاردىڭ ازاماتتىق بەلسەندىلىگىن ارتتىرۋعا، ەكولوگيالىق قۇندىلىقتاردى كەڭىنەن ناسيحاتتاۋعا جانە تۋعان ولكەنىڭ تازالىعى مەن كوركەيۋىنە ۇلەس قوسۋعا ىنتالاندىرادى.
الداعى ۋاقىتتا دا «تازا قازاقستان» جالپىۇلتتىق باستاماسى اياسىندا جاستاردىڭ قاتىسۋىمەن ەكولوگيالىق مادەنيەتتى قالىپتاستىرۋعا جانە قورشاعان ورتانى قورعاۋعا باعىتتالعان جۇمىستاردى جالعاستىرۋ ماڭىزدى.
