Memleket basshysynyń jarlyǵymen Dastan Ryspekov Ulytaý oblysynyń ákimi laýazymyna taǵaıyndaldy, dep habarlaıdy "Adyrna" ulttyq portaly.
Jańa ákim Dastan Ryspekov 1984 jyl Jezqazǵan qalasynda týǵan.
Ol Ál-Farabı atyndaǵy Qazaq Ulttyq ýnıversıtetin jáne QazMZÝ Almaty zań akademııasyn bitirgen.
Eńbek jolyn 2006 jyly Almaty qalasyndaǵy Ekonomıka jáne bıýdjetti josparlaý departamentiniń boljamdaý jáne túsimder bóliminiń bas mamany retinde bastaǵan. 2007-2016 jyldary Almaty qalasynda Ekonomıka jáne bıýdjettik josparlaý departamentinde, Almaty qalasy boıynsha Tekserý komıssııasynda, Astana qalasy respýblıkalyq bıýdjettiń atqarylýyn baqylaý jónindegi esep komıtetinde basshylyq laýazymdarda jumys istedi. 2018-2019 jyldary — Pavlodar oblysy Kásipkerlik, saýda jáne týrızm basqarmasynyń basshysy, 2019 jyldyń sáýir aıynan bastap «Astana EKSPO-2017» UK» AQ Ekonomıka jáne bıýdjetti josparlaý departamentiniń dırektory qyzmetin atqardy.
2020-2021 jyldary QR Mádenıet jáne sport mınıstrliginiń Týrızm ındýstrııasy komıtetiniń tóraǵasy.
Osy ýaqytqa deıin Ulytaý oblysy ákiminiń orynbasary boldy. Ulytaý oblysy 2022 jyly quryldy.
Aıta keteıik, 9 qazanda Prezıdent Berik Ábdiǵalıulyn qyzmetten bosatqan edi.
