Memleket basşysynyŋ jarlyǧymen Dastan Ryspekov Ūlytau oblysynyŋ äkımı lauazymyna taǧaiyndaldy, dep habarlaidy "Adyrna" ūlttyq portaly.
Jaŋa äkım Dastan Ryspekov 1984 jyl Jezqazǧan qalasynda tuǧan.
Ol Äl-Farabi atyndaǧy Qazaq Ūlttyq universitetın jäne QazMZU Almaty zaŋ akademiiasyn bıtırgen.
Eŋbek jolyn 2006 jyly Almaty qalasyndaǧy Ekonomika jäne biudjettı josparlau departamentınıŋ boljamdau jäne tüsımder bölımınıŋ bas mamany retınde bastaǧan. 2007-2016 jyldary Almaty qalasynda Ekonomika jäne biudjettık josparlau departamentınde, Almaty qalasy boiynşa Tekseru komissiiasynda, Astana qalasy respublikalyq biudjettıŋ atqaryluyn baqylau jönındegı esep komitetınde basşylyq lauazymdarda jūmys ıstedı. 2018-2019 jyldary — Pavlodar oblysy Käsıpkerlık, sauda jäne turizm basqarmasynyŋ basşysy, 2019 jyldyŋ säuır aiynan bastap «Astana EKSPO-2017» ŪK» AQ Ekonomika jäne biudjettı josparlau departamentınıŋ direktory qyzmetın atqardy.
2020-2021 jyldary QR Mädeniet jäne sport ministrlıgınıŋ Turizm industriiasy komitetınıŋ töraǧasy.
Osy uaqytqa deiın Ūlytau oblysy äkımınıŋ orynbasary boldy. Ūlytau oblysy 2022 jyly qūryldy.
Aita keteiık, 9 qazanda Prezident Berık Äbdıǧaliūlyn qyzmetten bosatqan edı.
Ūqsas jaŋalyqtar
