مەديتسينا قىزمەتكەرى كۇنى قارساڭىندا ەلدىڭ دەنساۋلىق ساقتاۋ سالاسىنىڭ ۇزدىك وكىلدەرىنە – ولاردىڭ ارقاسىندا تالاي ءومىر ساقتالىپ، بولاشاق ۇرپاقتىڭ دەنساۋلىعى مەن قازاقستاندىق وتباسىلاردىڭ اماندىعى قامتاماسىز ەتىلگەن ماماندارعا – مەملەكەتتىك جانە ۆەدومستۆولىق قۇرمەت ناگرادالارى تابىستالدى.
ماراپاتتالعانداردىڭ قاتارىندا – ۇلىتاۋ وبلىسىنىڭ جەزقازعان قالالىق كوپبەيىندى اۋرۋحاناسىنىڭ حيرۋرگيا بولىمشەسىنىڭ مەڭگەرۋشىسى قۇلىمجانوۆ نۇرتىلەك مارلانۇلى دا بار. قازاقستان ازاماتتارىنىڭ دەنساۋلىعىن نىعايتۋ مەن دەنساۋلىق ساقتاۋ سالاسىن دامىتۋعا قوسقان زور ۇلەسى ءۇشىن ول «ەرەن ەڭبەگى ءۇشىن» مەدالىمەن ماراپاتتالدى.
نۇرتىلەك مارلانۇلى قاراعاندى مەملەكەتتىك مەديتسينا اكادەمياسىن تامامداعان سوڭ تۋعان قالاسىنا ورالىپ، ەڭبەك جولىن 2008 جىلى جەزقازعان قالالىق كوپبەيىندى اۋرۋحاناسىنىڭ قابىلداۋ بولىمىندە تەراپەۆت دارىگەر رەتىندە باستاعان. 2018 جىلى جاڭادان اشىلعان حيرۋرگيا بولىمشەسىنىڭ مەڭگەرۋشىسى بولىپ تاعايىندالىپ، بۇل ماڭىزدى قۇرىلىمنىڭ قالىپتاسۋىنا ۇلكەن ۇلەس قوستى.
