بۇگىن قازاقستان پرەزيدەنتى قاسىم-جومارت توقاەۆ ماسكەۋ قالاسىنداعى جۇمىس ساپارى اياسىندا تمد مەملەكەتتەرى باسشىلارى كەڭەسىنىڭ وتىرىسىنا قاتىسۋ ءۇشىن ۇلكەن كرەمل سارايىنا باردى. بۇل تۋرالى اقوردا جازدى، دەپ حابارلايدى “ادىرنا” ۇلتتىق پورتالى.
ايتا كەتەيىك، بۇعان دەيىن قاسىم-جومارت توقاەۆتىڭ كرەمل سارايىنا باراتىنى حابارلانعانىن جاريالاعان ەدىك. دەگەنمەن سوڭعى ساتكە دەيىن بۇل ساپار تۋرالى بەلگىسىز بولىپ كەلگەن.
بۇگىن ۇلكەن كرەمل سارايىندا تمد-عا مۇشە مەملەكەتتەردىڭ مەملەكەت باسشىلارى كەڭەسىنىڭ وتىرىسى ءوتىپ جاتىر. سامميت باستالار الدىندا ۆلاديمير پۋتين بىرنەشە ەكىجاقتى كەزدەسۋلەر وتكىزدى، ءبىرىنشىسى ازەربايجان پرەزيدەنتى يلحام اليەۆپەن بولاتىنىن كرەملدىڭ ءباسپاسوز قىزمەتى حابارلاعان بولاتىن.
بۇل كەزدەسۋ رەسەي پرەزيدەنتى ۆلاديمير ءپۋتيننىڭ تۋعان كۇنىمەن تۇسپا-تۇس كەلىپ وتىر. 7 قازان كۇنى كورشى ەل باسشىسى 72 جاسقا تولدى.
ال كەشە «ەج» Telegram ارناسى پرەزيدەنت قاسىم-جومارت توقاەۆتىڭ رەسەيگە ساپارلايتىن جوسپارى جوق ەكەنىن، اەس قۇرىلىسى بويىنشا رەفەرەندۋم ناتيجەلەرىنە باسا نازار اۋداراتىنىن مالىمدەگەن ەدى.
«مەملەكەت باسشىسى رەفەرەندۋم قورىتىندىسىن شىعارىپ، قازاقستان حالقىنا ۇندەۋ جاساماق. كۇن تارتىبىندە جۇمىس ساپارىمەن رەسەيگە بارۋ جوسپارى جوق. الايدا سيتۋاتسياعا بايلانىستى شەشىم ەرتەڭ قابىلدانادى»،—دەپ جازعان بولاتىن ارنا قازاقستان پرەزيدەنتى اكىمشىلىگىندەگى دەرەككوزگە سىلتەمە جاساپ.
اقپاراتقا سايكەس، تمد مەملەكەتتەرى باسشىلارى كەڭەسىنىڭ وتىرىسىندا بىرقاتار كوپجاقتى قۇجاتتارعا قول قويۋ جوسپارلانۋدا: ەكونوميكالىق، مادەني-گۋمانيتارلىق، قۇقىق قورعاۋ جانە اسكەري سالالارداعى ىنتىماقتاستىقتى تەرەڭدەتۋ. سونداي-اق تمد-عا قاتىسۋشى مەملەكەتتەر باسشىلارىنىڭ قازاقستان حالقىنا جولداۋىن قابىلداۋ، 1941–1945 جىلدارداعى ۇلى وتان سوعىسىنداعى كەڭەس حالقىنىڭ جەڭىسىنە 80 جىل تولۋىنا بايلانىستى دوستاستىق ەلدەرى مەن الەم قاۋىمداستىعى تالقىلانادى.
