Bügın Qazaqstan prezidentı Qasym-Jomart Toqaev Mäskeu qalasyndaǧy jūmys sapary aiasynda TMD memleketterı basşylary keŋesınıŋ otyrysyna qatysu üşın Ülken Kreml saraiyna bardy. Būl turaly Aqorda jazdy, dep habarlaidy “Adyrna” ūlttyq portaly.
Aita keteiık, būǧan deiın Qasym-Jomart Toqaevtyŋ Kreml saraiyna baratyny habarlanǧanyn jariialaǧan edık. Degenmen soŋǧy sätke deiın būl sapar turaly belgısız bolyp kelgen.
Bügın Ülken Kreml saraiynda TMD-ǧa müşe memleketterdıŋ Memleket basşylary keŋesınıŋ otyrysy ötıp jatyr. Sammit bastalar aldynda Vladimir Putin bırneşe ekıjaqty kezdesuler ötkızdı, bırınşısı Äzerbaijan prezidentı İlham Älievpen bolatynyn Kremldıŋ baspasöz qyzmetı habarlaǧan bolatyn.
Būl kezdesu Resei prezidentı Vladimir Putinnıŋ tuǧan künımen tūspa-tūs kelıp otyr. 7 qazan künı körşı el basşysy 72 jasqa toldy.
Al keşe «Ej» Telegram arnasy prezident Qasym-Jomart Toqaevtyŋ Reseige saparlaityn jospary joq ekenın, AES qūrylysy boiynşa referendum nätijelerıne basa nazar audaratynyn mälımdegen edı.
«Memleket basşysy referendum qorytyndysyn şyǧaryp, Qazaqstan halqyna ündeu jasamaq. Kün tärtıbınde jūmys saparymen Reseige baru jospary joq. Alaida situasiiaǧa bailanysty şeşım erteŋ qabyldanady»,—dep jazǧan bolatyn arna Qazaqstan prezidentı äkımşılıgındegı derekközge sılteme jasap.
Aqparatqa säikes, TMD memleketterı basşylary keŋesınıŋ otyrysynda bırqatar köpjaqty qūjattarǧa qol qoiu josparlanuda: ekonomikalyq, mädeni-gumanitarlyq, qūqyq qorǧau jäne äskeri salalardaǧy yntymaqtastyqty tereŋdetu. Sondai-aq TMD-ǧa qatysuşy memleketter basşylarynyŋ Qazaqstan halqyna Joldauyn qabyldau, 1941–1945 jyldardaǧy Ūly Otan soǧysyndaǧy Keŋes halqynyŋ Jeŋısıne 80 jyl toluyna bailanysty Dostastyq elderı men älem qauymdastyǧy talqylanady.Ūqsas jaŋalyqtar
