قازاقتى اتقا قوندىرعان ءپۋتيننىڭ يدەولوگتارى ماقساتىنا جەتتى مە؟

6064
Adyrna.kz Telegram

بۇعان دەيىن قازاق ەلىنىڭ تۇتاستىعىنا كۇمان كەلتىرەتىن وعاش مالىمدەمەلەر جاساعان رەسەي مەملەكەتتىك دۋماسىنىڭ دەپۋتاتى ۆياچەسلاۆ فەدوروۆ ەندى باسقاشا سويلەپ، قازاقستان حالقىنا العىسىن جەتكىزىپتى.

قازاقستانداعى پارلامەنتتىك سايلاۋ قارساڭىندا  ۇلتشىل-پاتريوتتاردىڭ دەلبەزەسىن قوزدىرىپ،ياعني ءار وڭىردە اتتى شەرۋ جاساۋعا مۇرىندىق بولعان ا.نيكونوۆ،ۆ.فەدوروۆ،ۆ.جيرينوۆسكي،ت.ب سياقتى ۆ.ءپۋتيننىڭ ساياسي يدەولوگتارىنىڭ كوزدەگەن ماقساتى قانداي؟

كونستيتۋتسياداعى كورسەتىلگەن،ياعني ەڭ ماڭىزدى ادام قۇقىعى مەن ءباس(سوز) بوستاندىعى اياققا تاپتالسا دا، بەيبىت ميتينگ پەن پيكەتكە  شىعا الماعان ءدۇيىم حالىقتىڭ كوبى جەرى-وتانىن قورعاۋعا،ياعني قانى مەن جانىن بەرۋگە دايىن با؟

«وتان» دەگەن نە؟

مىسالى بەلگىلى پۋبليتسيست،رەپورتەر ا.نەۆزوروۆ:

«وتان»  ابستراكتىلى جانە بۇلدىر ۇعىم بولعانى سونشالىق، ونى كەز كەلگەن ساياسي ماتەرياعا وپ-وڭاي اينالدىرۋعا بولادى.قاراپايىم تىلمەن ايتقاندا، بۇل ۇعىم ادامدى الداپ-ارباۋ بولىپ تابىلادى. ەشكىمدە ەشقانداي «وتان» بولماعان،ياعني تەك حالىقتى ءوز يگىلىگى ءۇشىن پايدالانعان اۆتوريتارلىق رەجيم جۇيەسى عانا بار.ءارتۇرلى  رەجيمدەر «ۇزاق ءارى باقىتتى ءومىر ءسۇرۋ ءۇشىن» قاجەتتى ميفولوگيانى تىقپالاپ، پاتريوتتىق رومانتيكامەن  حالىقتى ۋلاپ كەلگەن. وسى يدەولوگيا ارقىلى قانشاما ۋاقىت ۇرپاقتان ۇرپاقتى شىرماپ كەلەدى. ساياسي رەجيمنىڭ ءوزى اقىماق، زۇلىم جانە زالىم بولىپ،«حالىقتىڭ قانىن ءىشۋى»، زورلىق-زومبىلىق كورسەتىپ، ءوزىنىڭ ميلليونداعان بوداندارىن ءولتىرۋى ءوز الدىنا،ەگەر ول ءبىر عانا ايلا-قۋلىق كورسەتسە، زورلىق-زومبىلىق كورگەن حالىق باسىنان وتكەرگەن سويقاندى تەز ۇمىتادى دا، سوعان ريزا بولادى.اۆتوريتارلى رەجيمدەردىڭ ءبارى وسى ايلا مەن قۋلىقتى جاسايدى. ارينە بۇل الاياقتىق، بىراق حالىققا بۇل وتە ۇنايدى.سەبەبى ولار "وتاندى"ىزدەيدى جانە قالايدى.

ال شىندىعىنا كەلسەك «وتان» سوعىس اشپايدى جانە قۋعىن-سۇرگىن جاسامايدى. ولار تەك وي مەن قيالدا عانا. سوعىس پەن قۋعىن-سۇرگىن — بۇل رەجيمنىڭ ويىنى،«وتان ءۇشىن»  مەرت بولعاندار ءوز ومىرلەرىن رەجيم ءۇشىن، ونىڭ اقىماقتىعى مەن قاتەلىگى نەمەسە قىڭىرلىعى ءۇشىن قيدى. مۇنداي ايلا-قۋلىقتىڭ ءبىر ءتۇرى رەتىندە اسكەري ناگرادالاردى پايدالاندى. ادام رەجيمگە ەستۋ، كورۋ قابىلەتىن، جىلدارىن نەمەسە اياق-قولىن بەرەدى، ال ونىڭ ورنىنا جىلتىراعان تەمىر الادى، ادەتتە مۇنداي الاياقتىقتىڭ قۇرباندارى ءوزىن الداپ سوققانى ءۇشىن قۋانىپ، ءوزىنىڭ اقىماقتىعىنىڭ بەلگىسىمەن ماقتانادى.

ساياسي رەجيم قانشالىقتى جيىركەنىشتى بولسا دا عاسىرلار بويى وسى سەنىمدى ستراتەگيانى قولدانىپ كەلەدى.

بۇل ەسكى ءتاسىل اسىرەسە سىرتقى قاۋىپ-قاتەر تونگەندە ءتيىمدى. ول تاعى دا دەگەنىنە جەتەدى. ميلليونداعان ادام اندەتىپ، ساپقا تۇرىپ، ءارى قاراي ومىرلەرىن قيۋعا كەتە بارادى. ال رەجيمدى قورعاپ كەلگەن جەڭىمپازدار تاعى بۇعاۋعا بايلانادى. سودان كەيىن ۇزاق ۋاقىت وزدەرىنىڭ "وتاندى" قالاي قورعاعاندارىن ايتىپ، ماقتانادى. نەگىزىندە ولار قايىر تىلەپ، ءبىر بىرىنە جالا جابۋ جانە ءولۋ ءۇشىن كۇرەستى-دەپ "وتان" ۇعىمىن وسىلاي تۇيىندەيدى.

قۇرمەتتى حالايىق سىزدەر ا.نەۆزوروۆتىڭ بۇل پىكىرىن قانشالىقتى دۇرىس ياكي بۇرىس دەپ باعالايسىزدار؟؟؟

 

"دەموس"قب توراعاسى تۇراربەك قۇسايىنوۆ.

 

اۆتوردىڭ كوزقاراسى رەداكتسيانىڭ  كوزقاراسىن بىلدىرمەيتىنىن ەسكەرتەمىز.

پىكىرلەر