پرەزيدەنت قاسىم-جومارت توقاەۆ يادرولىق سىناقتارعا قارسى حالىقارالىق ءىس-قيمىل كۇنىنە قاتىستى ءوزىنىڭ ح الەۋمەتتىك پاراقشاسىندا جازبا جاريالادى، دەپ حابارلايدى "ادىرنا".
ءوز جازباسىندا پرەزيدەنت اتومدىق قارۋ سىناعىنان قازاق حالقىنىڭ كورگەن قاسىرەتى كوپ ەكەنىن ايتقان. توقاەۆ مۇنداي قاسىرەتتىڭ قايتالانباۋى ءۇشىن بەيبىتشىلىكتى نىعايتۋعا باسىمدىق بەرۋ ماڭىزدى قۇندىلىقتاردىڭ ءبىرى ەكەنىن اتاپ وتكەن.
«بۇگىن – يادرولىق سىناقتارعا قارسى حالىقارالىق ءىس-قيمىل كۇنى. بۇل اتاۋلى كۇندى بۇۇ باس اسسامبلەياسى قازاقستاننىڭ باستاماسىمەن بەكىتتى. حالقىمىز اتوم قارۋىن سىناۋدان قاتتى زارداپ شەكتى. مۇنداي قاسىرەت قايتالانباۋعا ءتيىس. ءبىز كەيىنگى ۇرپاقتىڭ جارقىن بولاشاعى ءۇشىن بەيبىتشىلىكتى نىعايتىپ، حالىقارالىق ارىپتەستىكتى دامىتا ءتۇسۋىمىز كەرەك. يادرولىق قارۋدان جانە سىناقتاردان ءبىرجولا باس تارتۋعا كۇش سالۋىمىز قاجەت. بەيبىتشىلىك پەن قاۋىپسىزدىك – بۇكىل ادامزاتقا ورتاق ەڭ باستى قۇندىلىقتار»، – دەپ جازعان توقاەۆ ءوزىنىڭ X پاراقشاسىندا.
ايتا كەتەيىك، سەمەي پوليگونىنا جاسالعان سىناق 1949 جىلدان 1989 جىلعا دەيىن 40 جىل جۇرگىزىلگەن. بۇل ارالىقتا سەمەي توپىراعىندا 468 يادرولىق سىناق ءوتتى.
