قازاقستاننىڭ شەتەلدەگى مەكەمەلەرىنىڭ جانىنان 59 شەت مەملەكەتتە 74 رەفەرەندۋم ۋچاسكەسى اشىلدى. بۇل تۋرالى سىرتقى ىستەر مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
داۋىس بەرۋگە قاتىسۋ ءۇشىن بەلسەندى سايلاۋ قۇقىعى بار، ءتيىستى شەت مەملەكەتتە تۇراتىن نەمەسە جەكە، قىزمەتتىك، وقۋ، ىسكەرلىك پەن تۋريستىك ماقساتپەن جۇرگەن جانە قر ازاماتىنىڭ جارامدى پاسپورتى بار قازاقستان رەسپۋبليكاسىنىڭ ازاماتتارى رەفەرەندۋم ۋچاسكەسى قۇرىلعان قازاقستاننىڭ ديپلوماتيالىق نەمەسە كونسۋلدىق وكىلدىگىنە جۇگىنە الادى.
قازاقستاننىڭ شەتەلدەگى مەكەمەلەرىندە داۋىس بەرۋ "قازاقستان رەسپۋبليكاسىنداعى سايلاۋ تۋرالى" قر كونستيتۋتسيالىق زاڭىنىڭ 38-ءشى بابىنىڭ 1-ءشى تارماعىنا سايكەس رەفەرەندۋم كۇنى جەرگىلىكتى ۋاقىت بويىنشا ساعات 07:00-دەن 20:00-گە دەيىن وتكىزىلەدى.
قازاقستان پرەزيدەنتىنىڭ 2 قىركۇيەكتەگى جارلىعىنا سايكەس 2024 جىلدىڭ 6 قازانىندا قازاقستاندا اتوم ەلەكتر ستانتسياسىن سالۋ بويىنشا جالپىرەسپۋبليكالىق رەفەرەندۋم وتەدى.
