فوتو: Kursiv.Media
قازاقستاندا اەس قۇرىلىسى باستالار الدىندا تۇرعىندارعا ستانتسيا ماكەتى كورسەتىلدى. پرەزەنتاتسيا الماتى وبلىسى جامبىل اۋدانىنا قاراستى ۇلكەن اۋىلىندا ءوتتى، دەپ حابارلايدى "ادىرنا".
سۋرەتتە — رەسەيدىڭ «روساتوم» كومپانياسى سالعان نوۆوۆورونەج اەس-ءىنىڭ №6 ەنەرگوبلوگى. بۇل — الەمدەگى العاشقى 3+ بۋىنداعى ەنەرگوبلوك.
«قازاقستانداعى جاڭا اەس وسىنداي بولۋى مۇمكىن. قازىرگە ديزاين دايىن ەمەس، ال ماكەت — “روساتومنىڭ” بۇرىنعى جوبالارىنىڭ ءبىرى»، — دەپ ءتۇسىندىردى قازاقستان اەس وكىلى.
اەس جوباسىنىڭ قۇنى كەمىندە «14 ملرد دوللار» دەپ باعالانىپ وتىر.
قوعام بەلسەندىلەرى مەن ساياساتتانۋشىلار اەس-ءتى رەسەي سالاتىن بولسا، قازاقستان وعان تاۋەلدى بولىپ قالادى دەپ الاڭدايدى. ال بيلىك مۇنى جوققا شىعارادى. ەكولوگتار بالقاشتىڭ جاعدايىن دا ايتىپ ۋايىمدايدى.
