شەتەلدىك ينۆەستورلار كەڭەسى وتىرىسىندا سويلەگەن سوزىندە قازاقستان پرەزيدەنتى قاسىم-جومارت توقاەۆ ۇكىمەت اتوم ەلەكتر ستانتسياسى قۇرىلىسى ءۇشىن جەر تاڭداپ قويعانىن ايتتى، دەپ حابارلايدى “ادىرنا” ۇلتتىق پورتالى.
الايدا، ناقتى قاي جەر ەكەنى اتالمادى.
«قازاقستاندا اتوم ەنەرگەتيكاسىن دامىتۋ بويىنشا بىرقاتار باسەكەلەستىك ارتىقشىلىقتار بار، ونى ەو جاسىل تەحنولوگيالار تىزىمىنە ەنگىزدى. ءبىزدىڭ ەلىمىز تابيعي ۋران وندىرۋدەن الەمدە ءبىرىنشى ورىندا تۇر، يادرولىق وتىننىڭ وزىندىك ءوندىرىسى بار جانە ۋراندى بايىتۋ بويىنشا ءتيىستى مۇمكىندىكتەرگە يە. قازىرگى ۋاقىتتا ءبىز اتوم ەلەكتر ستانتسياسىن ورنالاستىرۋ تۋرالى شەشىم قابىلدادىق جانە الەۋەتتى جەتكىزۋشىلەردىڭ تەحنولوگيالارىن زەرتتەپ جاتىرمىز» دەدى پرەزيدەنت.
بۇعان دەيىن بيلىك ەكى ورىندى – كۋرچاتوۆ پەن بالقاش قالالارىن قاراستىرعان.
”ادىرنا” ۇلتتىق پورتالى
