مەملەكەت باسشىسى قاسىم-جومارت توقاەۆ «قازاقستان رەسپۋبليكاسى پرەزيدەنتىنىڭ ءارحيۆى» رەسپۋبليكالىق مەملەكەتتىك مەكەمەسىن كوشىرۋ تۋرالى جارلىققا قول قويدى، دەپ حابارلايدى «ادىرنا» ۇلتتىق پورتالى.
پرەزيدەنت مۇراعاتى الماتىدان استاناعا كوشەدى. ۇكىمەتكە قايتا ورنالاستىرۋدى 2025 جىلدىڭ 1 ناۋرىزىنا دەيىن اياقتاۋ تاپسىرىلدى. مۇراعاتتىڭ جاڭا ورنى – ەسىل اۋدانى، ماڭگىلىك ەل داڭعىلى، 15-ءۇي.
جارلىق اياسىندا مەكەمەنىڭ شتاتتاعى جۇمىسكەرلەرىنىڭ سانىنا وزگەرىستەر ەنگىزىلدى، قازىر 168 ادامدى قۇرايدى. سونداي-اق، مەكەمە باسشىلارى مەن ورىنباسارلارىن تاعايىنداۋ جانە بوساتۋ ەرەجەلەرى ناقتىلاندى.
