Memleket basshysy Qasym-Jomart Toqaev «Qazaqstan Respýblıkasy Prezıdentiniń Arhıvi» respýblıkalyq memlekettik mekemesin kóshirý týraly jarlyqqa qol qoıdy, dep habarlaıdy «Adyrna» ulttyq portaly.
Prezıdent muraǵaty Almatydan Astanaǵa kóshedi. Úkimetke qaıta ornalastyrýdy 2025 jyldyń 1 naýryzyna deıin aıaqtaý tapsyryldy. Muraǵattyń jańa orny – Esil aýdany, Máńgilik El dańǵyly, 15-úı.
Jarlyq aıasynda mekemeniń shtattaǵy jumyskerleriniń sanyna ózgerister engizildi, qazir 168 adamdy quraıdy. Sondaı-aq, mekeme basshylary men orynbasarlaryn taǵaıyndaý jáne bosatý erejeleri naqtylandy.
