قازاقستاندا بەلسەندى ءتۋريزمدى جانە سپورتتى دامىتۋعا باعىتتالعان قوعامدىق ۇيىم جاقىندا شىققان تاۋ مارشرۋتتارى اتلاسىنان جانە الماتىدا تۋريستەرگە ارنالعان كارتا مەن بروشيۋرالاردان قاتەلەردى انىقتادى، دەپ حابارلايدى “ادىرنا” ۇلتتىق پورتالى.
كلۋب ءوز حابارلاماسىندا قانداي قاتەلىكتەر بار ەكەنىن اتاپ ءوتتى:
– ءۇشىنشى ايۋساي سارقىراماسىنان جوعارى سوقپاق جوق، بۇل اۋماقتا جىل سايىن اپاتتار ورىن الادى;
– ارنايى تەحنيكاسىز اباي مەن پيونەر اسۋلارى قاۋىپت;
- پريمۋلا كولى قىرعىزستان اۋماعىندا ورنالاسقان، شەكارادان ءوتۋ زاڭسىز;
- تۋريستىك شىڭعا اپاراتىن جول دۇرىس كورسەتىلمەگەن;
– مانشۇك مامەتوۆا كولىنە باراتىن جول قاۋىپتى مۇزدىققا اپارادى.
الەۋمەتتىك بەلسەندىلەر اتاۋلار مەن ورىندارداعى قاتەلەردى دە اتاپ ءوتتى. مىسالى، ۋچيتەل تاۋىن قارلىتاۋمەن شاتاستىرىپ، باتارەيكا سارقىراماسىن قۇمبەل دەپ اتاعان.
ۇيىم ساپارلاردى جوسپارلاۋ كەزىندە وسى ماتەريالدارعا سەنبەۋگە شاقىردى جانە تۋريستەرگە تاجىريبەلى گيدتەر مەن قۇتقارۋشىلارمەن كەڭەسۋدى ۇسىندى. بارلىق ەسكەرتۋلەر قازىردىڭ وزىندە الماتى تۋريزم باسقارماسىنا بەرىلدى، ولار كارتالارعا قاجەتتى تۇزەتۋلەر ەنگىزۋگە ۋادە بەردى.
