Qazaqstanda belsendı turizmdı jäne sportty damytuǧa baǧyttalǧan qoǧamdyq ūiym jaqynda şyqqan tau marşruttary atlasynan jäne Almatyda turisterge arnalǧan karta men broşiuralardan qatelerdı anyqtady, dep habarlaidy “Adyrna” ūlttyq portaly.
Klub öz habarlamasynda qandai qatelıkter bar ekenın atap öttı:
– Üşınşı Aiusai sarqyramasynan joǧary soqpaq joq, būl aumaqta jyl saiyn apattar oryn alady;
– Arnaiy tehnikasyz Abai men Pioner asulary qauıpt;
- Primula kölı Qyrǧyzstan aumaǧynda ornalasqan, şekaradan ötu zaŋsyz;
- Turistık şyŋǧa aparatyn jol dūrys körsetılmegen;
– Mänşük Mämetova kölıne baratyn jol qauıptı mūzdyqqa aparady.
Äleumettık belsendıler ataular men oryndardaǧy qatelerdı de atap öttı. Mysaly, Uchitel tauyn Qarlytaumen şatastyryp, Batareika sarqyramasyn Qūmbel dep ataǧan.
Ūiym saparlardy josparlau kezınde osy materialdarǧa senbeuge şaqyrdy jäne turisterge täjıribelı gidter men qūtqaruşylarmen keŋesudı ūsyndy. Barlyq eskertuler qazırdıŋ özınde Almaty turizm basqarmasyna berıldı, olar kartalarǧa qajettı tüzetuler engızuge uäde berdı.
