"بۋراباي" مۇتپ اۋماعىنداعى "كوكشەتاۋ" تاۋىندا ءورت شىقتى. بۇل تۋرالى قر تجم ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
"25 قىركۇيەكتە تاڭەرتەڭ جەدەل كەزەكشى پۋلتىنە "بۋراباي" مۇتپ اۋماعىنداعى "كوكشەتاۋ" تاۋىندا شامامەن 800 مەتر بيىكتىكتە ءتۇتىننىڭ كورىنگەنى تۋرالى حابارلاما كەلىپ ءتۇستى. ناقتىلانعان مالىمەت بويىنشا، وسىمدىكتەر ورتەنگەن. اۋدانى مەن سەبەپتەرى بەلگىلەنىپ جاتىر", - دەلىنگەن حابارلامادا.
ءورتتى جويۋعا اقمولا وبلىسىنىڭ تجد جانە "بۋراباي" مۇتپ جەكە قۇرامىنىڭ 70-تەن اسا ادامى جۇمىلدىرىلىپ، ولار ءورت شىققان جەرگە جاياۋ بارىپ، ءورتتى سوندىرۋگە كىرىسكەن.
توتەنشە جاعدايلار ءمينيسترىنىڭ تاپسىرماسى بويىنشا، تۇتانۋدى جەدەل جويۋ ءۇشىن قازاۆياقۇتقارۋ تىكۇشاعى جۇمىلدىرىلعان، ول دا جانۋ ورنىنا بەت العان.
”ادىرنا” ۇلتتىق پورتالى
