ۇلى دالادان - ماسكەۋگە سالت اتتىلار شەرۋىن ۇيىمداستىرايىق

859

#قر_پرەمەرمينيسترىنە. #قر_سىم.

رەسەيلىك بايكەرلەرگە جاۋاپ ۆيزيت رەتىندە، التىن وردانىڭ 750-جىلدىعى قۇرمەتىنە ۇلىتاۋ-ماسكەۋ مارشرۋتى بويىنشا اتتى شەرۋ ۇيىمداستىرۋعا رەسەي ۇكىمەتىمەن كەلىسۋدى سۇرايمىن.

شەرۋدىڭ ماقساتى تاريحي ادىلدىكتى قالپىنا كەلتىرۋ بولماق.

شەرۋ ۇلىتاۋداعى قازاق حاندارىنىڭ ورداسى، اتاپ ايتقاندا ماسكەۋگە بىرنەشە رەت بارعان توقتامىس حاننىڭ، ەدىگە سۇلتاننىڭ جانە كەزىندە قۇرامىندا رەسەي دە بولعان جوشى ۇلىسىنىڭ جەرىنەن، شىڭعىسحاننىڭ ۇلى جوشىنىڭ سارى كەڭگىردەگى قورىمىنان باستالادى.

كەزىندە التىن وردانىڭ رۋستەگى فەودالدىق ءوزارا قىرقىستاردى توقتاتىپ، ورتالىعى ماسكەۋ قالاسى بولعان ءبىرتۇتاس ورىس كنيازدىعىن قۇرعاندىعىن، ول ەلگە تىنىشتىق سىيلاپ، وركەنيەتتى ەلدەر قاتارىنا قوسقاندىعىن ەسكەرە وتىرىپ، اتالعان شەرۋدىڭ وردانىڭ 3 عاسىر بويى پروتەكتوراتى بولعان رەسەي مەن وردانىڭ قازىرگى تىكەلەي مۇراگەرى، جوشى ۇلىسىنىڭ اكىمشىلىك ورتالىعى ورنالاسقان قازاقستانمەن تاريحي، ەكونوميكالىق جانە ساياسي بايلانىسىن نىعايتۋعا قىزمەت ەتەدى دەپ ەسەپتەيمىز.

بۇل شەرۋ ءبىر كەزدەگى ءبىرتۇتاس تا قۇدىرەتتى وردانىڭ حالىقتارى اراسىنداعى دوستىق كوپىرىن نىعايتۋعا قىزمەت ەتەتىن كەزەكتى ءبىر زۆەنو بولادى، ەۋرازيالىق ينتەگراتسيانىڭ مۇددەسىنە قىزمەت ەتەتىن بولادى.

شەرۋدىڭ سوڭعى اياقتالاتىن جەرى – ماسكەۋ، قىزىل الاڭ.
اتالعان مالىمدەمەنى رەسمي سۇراۋ حاتى دەپ ءتۇسىنۋدى جانە وعان زاڭنامالاردا كورسەتىلگەن مەرزىمدە جاۋاپ بەرۋدى سۇرايمىن.

بەلسەندىلەر توبىنىڭ حاتشىسى، Margulan Boranbay.
23.08.2019 ج. الماتى.

"ادىرنا" ۇلتتىق پورتالى

پىكىرلەر