#QR_PremerMınıstrine. #QR_SIM.
Reseılik baıkerlerge jaýap vızıt retinde, Altyn Ordanyń 750-jyldyǵy qurmetine Ulytaý-Máskeý marshrýty boıynsha atty sherý uıymdastyrýǵa Reseı úkimetimen kelisýdi suraımyn.
Sherýdiń maqsaty tarıhı ádildikti qalpyna keltirý bolmaq.
Sherý Ulytaýdaǵy qazaq handarynyń ordasy, atap aıtqanda Máskeýge birneshe ret barǵan Toqtamys hannyń, Edige sultannyń jáne kezinde quramynda Reseı de bolǵan Joshy ulysynyń jerinen, Shyńǵyshannyń uly Joshynyń Sary Keńgirdegi qorymynan bastalady.
Kezinde Altyn Ordanyń Rýstegi feodaldyq ózara qyrqystardy toqtatyp, ortalyǵy Máskeý qalasy bolǵan birtutas orys knıazdyǵyn qurǵandyǵyn, ol elge tynyshtyq syılap, órkenıetti elder qataryna qosqandyǵyn eskere otyryp, atalǵan sherýdiń Ordanyń 3 ǵasyr boıy protektoraty bolǵan Reseı men Ordanyń qazirgi tikeleı murageri, Joshy ulysynyń ákimshilik ortalyǵy ornalasqan Qazaqstanmen tarıhı, ekonomıkalyq jáne saıası baılanysyn nyǵaıtýǵa qyzmet etedi dep esepteımiz.
Bul sherý bir kezdegi birtutas ta qudyretti Ordanyń halyqtary arasyndaǵy dostyq kópirin nyǵaıtýǵa qyzmet etetin kezekti bir zveno bolady, eýrazııalyq ıntegraııanyń múddesine qyzmet etetin bolady.
Sherýdiń sońǵy aıaqtalatyn jeri – Máskeý, Qyzyl Alań.
Atalǵan málimdemeni resmı suraý haty dep túsinýdi jáne oǵan zańnamalarda kórsetilgen merzimde jaýap berýdi suraımyn.
Belsendiler tobynyń hatshysy, Margulan Boranbay.
23.08.2019 j. Almaty.
"Adyrna" ulttyq portaly
