13 قىركۇيەك كۇنى الماتى قالاسىندا قازاقستان سىرتقى ىستەر مينيسترلىگىنە قاراستى «وتانداستار قورى» كوممەرتسيالىق ەمەس اكتسيونەرلىك قوعامىنىڭ ۇيىمداستىرۋىمەن شەتەلدەگى جانە قازاقستانداعى كاسىپكەرلەرءدىڭ قاتىسۋىمەن «وتانداستار» بيزنەس-فورۋمى ءوتءتى.
اتالعان ءىس-شاراعا اقش، اۋستريا، جاپونيا، يران، قىرعىزستان، قىتاي، مالايزيا، موڭعوليا، وڭتۇستىك كورەيا، وزبەكستان، رەسەي، تۇركيا ەلدەرىنەن كەلگەن 50-گە جۋىق ەتنيكالىقكاسىپكەر قازاقتار قاتىستى.
- شەتەلدە تۇراتىن 3 ميلليوننان استام قازاق بار دەپ ايتامىز. ولاردىڭ اراسىندا ىسكەر ازاماتتار جەتەرلىك. سولاردىڭ ىشىنەن ءبىلىم، ونەر، مەديتسينا، ونەركاسىپ، ت.ب. سالالار بويىنشا ەڭ مىقتىلارىن شاقىردىق. فورۋمعا 12 ەلدەن كەلگەن وتانداستارىمىز قاتىسىپ جاتىر. الماتىدا تۇڭعىش رەت ءوتىپ جاتقان «وتانداستار» بيزنەس-فورۋمىنىڭ ماقساتى – قازاقستاندا تۇرىپ جاتقان وتانداس كاسىپكەرلەردىڭ باسىن قوسۋ, بءىر-بىرىمەن تانىستىرۋ، بىرگە جوبا جاساۋ. تانىستىرۋ ارقىلى ءبىر-بىرىمەن بايلانىستارىن نىعايتۋ.سونىمەن قاتار، شەتەلدە جانە قازاقستاندا تۇراتىن كاسىپكەرلەردىڭ كەڭەسىن قۇرۋ. بۇل كەڭەستى جاڭا جوبالاردى تالقىلاپ، قازاقستاننان جانە شەتەلدەن ينۆەستيتسيا تارتۋ سياقتى ماسەلەلەردى شەشۋ ماقساتىندا قۇرامىز - دەيدى، «وتانداستار قورى» كوممەرتسيالىق ەمەس اكتسونەرلىك قوعامىنىڭ (كەاق) پرەزيدەنت كەڭەسشىسى ديدار بولات.
فورۋم ەكى سەسسياعا ءبولىندى. ءبىرىنشى سەسسيادا قازاقستانعا بۇرىن كوشىپ كەلگەن قانداس كاسىپكەرلەر «قازاقستاندا بيزنەستءى قولداۋ تەتىكتەرى مەن تاجىريبەسى» تاقىرىبىندا ءسوز سويلەپ، ءوز تاجىريبەلەرىمەن ءبولىستى. ال ەكىنشى بولىمدە ءار ەلدەن كەلگەن قانداس كاسىپكەرلەر اتاجۇرتپەن ىسكەرلىك بايلانىستارى تۋرالى باياندادى.
- «وتانداستار» بيزنەس فورۋمىنىڭ نەگىزگى ماقساتى – ءبىزدىڭ ەتنيكالىق قانداستارىمىزدى قازاقستانعا كەلىپ كاسىپ جاساۋعا، كاسىپ يگەرۋگە، مەملەكەتتىڭ شاعىن جانە ورتا بيزنەسىن دامىتۋعا وزىندىك ۇلەسىن قوسۋعا شاقىرۋ. سونىمەن قاتار, ءبىر-ءبىرىن قيىندىقتار مەن لايفحاكتارمەن ءبولىسىپ، جىگەرلەندىرۋ. وتانداستار قورى كوزدەگەن ماقساتتارىنا جەتىپ جاتىر دەپ ويلايمىن – دەيدى فورۋم قاتىسۋشىسى دۋلات تاستەكەي.
ۇيىمداستىرۋشىلاردىڭ ايتۋىنشا فورۋم اياسىندا ايتىلىپ جاتقان ۇسىنىستار كوپ. سونىڭ ءبىرى «iQANAT» مەكتەبى شەتەلدەگى قانداس بالالاردى وقۋعا الۋعا دايىن ەكەندەرءىن حابارلادى. ىرىكتەۋدەن ءوتىپ، جەڭىمپاز اتانعان ەڭ مىقتى بالالردى قازاقستانعا وقۋعا الىپ كەلۋ جوسپارلانۋدا.
- وتكەن جىلى جالپى وتانداستار فورۋمى ۇيىمداستىرىلدى. بيىل بيزنەس فورۋم ءوتىپ جاتىر. كەلەسى جىلى عالىمدار كونفەرەنتسياسىن وتكىزۋ جوسپاردا بار. جىل سايىن ءار باعىتتى قامتۋ ويدا بار. بىراق وسى فورۋمدا قۇرىلىپ جاتقان كاسىپكەرلەردىڭ كەڭەسى ەندى جىل سايىن جينالىپ تۇرادى. وسى جۇمىستى جالعاستىرۋعا وتانداستار قورى بار كۇشىن سالادى – دەيدى ديدار بولات.
مەرەي مىرزاعاليقىزى
«ادىرنا» ۇلتتىق پورتالى
Басқалармен бөлісе отырыңыз
