بيىل 8 051 ەتنيكالىق قازاق تاريحي وتانىمەن تابىسىپ، قانداس مارتەبەسىن الدى. بۇل تۋرالى بۇگىن ەڭبەك جانە حالىقتى الەۋمەتتىك قورعاۋ مينيسترلىگى ايتتى، دەپ حابارلايدى «ادىرنا» ءتىلشىسى.
جىل باسىنان قازاقستانعا ورالعان قانداستاردىڭ 44,2% وزبەكستاننان، 43,2% – قىتايدان، 5% – تۇرىكمەنستاننان، 2,7% - مونعوليادان، 2,4% – رەسەيدەن، جانە 2,5% باسقا ەلدەردەن قونىس اۋدارعان.
«وسى جىلعى 1 تامىزداعى جاعداي بويىنشا ەڭبەككە قابىلەتتى جاستاعى ەتنيكالىق قونىس اۋدارۋشىلار سانى 59,1%-دى، ەڭبەككە قابىلەتتى جاستان كىشى 31,8%-دى جانە زەينەتكەرلەر 9,1%-دى قۇرايدى. ەڭبەككە قابىلەتتى جاستاعى قانداستاردىڭ ىشىنەن ءبىلىم دەڭگەيى بويىنشا 15,7%-ى جوعارى ءبىلىمدى، 28,1%-ى كاسىبي ورتا ءبىلىمدى، 53,5%-ى جالپى ورتا ءبىلىمدى، جانە 2,7% ءبىلىم جوق»،—دەلىنگەن حابارلامادا.
ايتا كەتەيىك، 1991 جىلدان بەرى رەسپۋبليكاعا 1 ملن 156,1 مىڭ ەتنيكالىق قازاق ورالدى.
