مەملەكەت باسشىسى ق. ك توقاەۆتىڭ «ادىلەتتى قازاقستان: زاڭ مەن ءتارتىپ، ەكونوميكالىق ءوسىم، قوعامدىق وپتيميزم» اتتى قازاقستان حالقىنا جولداۋىندا: «سۋدى بارىنشا ۇنەمدەۋ جۇمىسىن ۇيىمداستىرۋ كەرەك. بۇل – ەڭ الدىمەن، اۋىل شارۋاشىلىعىنا قاتىستى ماسەلە، ياعني سۋ ۇنەمدەۋ تەحنولوگياسىن، اسىرەسە، اۋىل شارۋاشىلىعىندا كەڭىنەن قولدانۋ قاجەت.»،- دەپ اتاپ وتكەن بولاتىن.
مەملەكەت باسشىسىنىڭ تاپسىرماسىن ىسكە اسىرۋ جانە اۋدانىمىزدا اۋىل شارۋاشىلىعى سالاسىن دامىتۋ ماقساتىندا اۋقىمدى جۇمىستار ىسكە اسىرىلىپ كەلەدى.
بۇگىندە، الاكول اۋدانىنىڭ نەگىزگى پريوريتەتتەرىنىڭ ءبىرى- قانت قىزىلشاسى ءونىم كولەمىن مولايتۋ، جاڭا تەحنولوگيالاردى قولدانۋ جۇمىستارى باستى نازاردا.
وسى ورايدا، «Bolat Group LTD» جشس-گىنىڭ قانت قىزىلشاسى القابىندا شارۋا يەسى بولات سەيرباەۆتىڭ ۇيىمداستىرۋىمەن قانت قىزىلشاسى ءونىمىن مولايتۋدىڭ ءتيىمدى جولى، زاماناۋي تەحنيكالاردى قولدانۋ، تۇقىم تۇرلەرى جانە تامشىلاتىپ سۋارۋ تەحنولوگياسىن پايدالانۋدىڭ ماڭىزدىلىعى جونىندە قالا، اۋىلدىق وكرۋگتەگى اۋىل شارۋاشىلىعى سالاسىنىڭ ماماندارى، شارۋا قوجالىقتارىمەن اۋداندىق سەمينار ءوتتى.
جيىندا اۋدان اكىمى ا. ابدينوۆ شارۋا قوجالىقتارىنا ءبىر كىسىدەي جۇمىلا ات سالىسىپ، اۋدانىمىزدىڭ نەگىزگى باسىمدىقتارىنىڭ ءبىرى – قانت قىزىلشاسىن كوبەيتىپ، اۋىل شارۋاشىلىعى سالاسىن دامىتۋ قاجەتتىگىن اتاپ ءوتتى. ارنايى شاقىرىلعان «اۆگۋست» اق مەن «Explanta» جشس-گى زاماناۋي تەحنولوگيالار مەن دۇرىس ءارى ساپالى تۇقىم تۇرلەرىن پايدالانىپ ءونىم كولەمىن مولايتۋ جونىندە كەڭەستەرىمەن ءبولىستى.
«Bolat Group LTD» جشس-گى بيىلعى جىلى 3 سم تەرەڭدىككە 275 گەكتار القاپقا تامشىلاتىپ سۋارۋ تەحنولوگياسىن پايدالانىپ ءتاتتى ءتۇبىر ءونىمىن ەكتى. تامشىلاتىپ سۋارۋ ءادىسى ارقىلى 6-8 ەسە سۋ مەن تىڭايتقىش، جۇمىس كۇشى ۇنەمدەلەدى. شارۋا يەسى سۋ كولەمىن ۇنەمدەۋ، جەر قۇنارلىعىن ساقتاۋ، ءونىم كولەمىن مولايتۋ ءۇشىن العاش رەت وبلىسىمىزدا تامشىلاتىپ سۋارۋ ءادىسىن قولداندى. جيىم تەرىم ۋاقىتىندا 275 گەكتار جەردەن مول ءونىم السا، كەلەسى جىلى 1000 گەكتار جەرگە قانت قىزىلشاسىن سەبۋدى كوزدەپ وتىر.
شارۋا باسشىسى ب. سەيرباەۆ اۋدانىمىزداعى شارۋا قوجالىق يەلەرىنە تامشىلاتىپ سۋارۋ تەحنولوگياسىنىڭ ماڭىزدىلىعىن اتاپ، جۇمىس بارىسىن، قولدانعان تۇقىم تۇرلەرىن تانىستىرىپ ءوتتى. «جيىم تەرىم ۋاقىتىنا دا از قالدى. ەندىگى باستى ماقسات ءونىم كولەمى وڭ ناتيجە بەرسە، اۋدانىمىزعا ۇلكەن قانت قىزىلشاسى زاۋىتىن سالساق.»-دەيدى «Bolat Group LTD» جشس-گىنىڭ باسشىسى.
