باعلان بەكباۋوۆ اۋىل شارۋاشىلىعى ۆيتسە-ءمينيسترى قىزمەتىنەن بوساتىلدى. بۇل تۋرالى بۇگىن، 11 قىركۇيەكتە ۇكىمەتتىڭ ءباسپاسوز قىزمەتى ايتتى، دەپ حابارلايدى «ادىرنا» ءتىلشىسى.
«قازاقستان رەسپۋبليكاسى ۇكىمەتىنىڭ قاۋلىسىمەن باعلان ءابداشىمۇلى بەكباۋوۆ اۋىل شارۋاشىلىعى ۆيتسە-ءمينيسترى قىزمەتىنەن بوساتىلدى»،—دەگەن حابارلامادا.
ول بۇل ورىنعا 2021 جىلى تاعايىندالعان بولاتىن.
ايتا كەتەيىك، باعلان بەكباۋوۆ 1983 جىلى تۇركىستان قالاسىندا تۋعان. ق.ا. ياساۋي اتىنداعى حالىقارالىق قازاق-تۇرىك ۋنيۆەرسيتەتىن، م.نارىكباەۆ اتىنداعى قازمزۋ-دى بىتىرگەن. ماماندىعى بويىنشا بىلىكتىلىگى - ەسەپتەۋىش تەحنيكا مەن جەلىلەردى باعدارلامالىق جانە اپپاراتتىق قامتاماسىز ەتۋ، قۇقىقتانۋ.
ۇقساس جاڭالىقتار
