باكۋدە تۇركى اكادەمياسى مەن تۇركى ءتىل ينستيتۋتى وتكىزگەن كوميسسيا وتىرىسىندا تۇركى ەلدەرىنە ورتاق ءالىپبي جوباسى كەلىسىلدى. ول 34 ارىپتەن تۇراتىنى ايتىلدى، دەپ حابارلايدى “ادىرنا” ۇلتتىق پورتالى TRT Haber سايتىنا سىلتەپ.
"بۇل ءالىپبي تۇركى حالىقتار اراسىنداعى ءوزارا تۇسىنىستىك پەن ىنتىماقتاستىقتى نىعايتادى. ورتاق ءالىپبيدىڭ دامۋى تۇركى حالىقتاردىڭ ءتىل مۇراسىن ساقتاي وتىرىپ، ونى دامىتادى", – دەلىنگەن مالىمدەمەدە.
باكۋدە تۇركى اكادەمياسى مەن تۇركى ءتىل ينستيتۋتى بىرلەسىپ وتكىزگەن كوميسسيانىڭ ءۇشىنشى وتىرىسىندا شەشىم قابىلدانعانى حابارلاندى.
مالىمدەمەدە سونداي-اق ورتاق ءالىپبيدىڭ دامۋى لينگۆيستيكالىق مۇرانىڭ ساقتالۋىنا جانە تۇركى حالىقتارى اراسىنداعى بايلانىستى نىعايتۋعا ىقپال ەتەتىنى اتاپ وتىلگەن.
