Bakýde Túrki akademııasy men Túrki til ınstıtýty ótkizgen komıssııa otyrysynda túrki elderine ortaq álipbı jobasy kelisildi. Ol 34 áripten turatyny aıtyldy, dep habarlaıdy “Adyrna” ulttyq portaly TRT Haber saıtyna siltep.
"Bul álipbı túrki halyqtar arasyndaǵy ózara túsinistik pen yntymaqtastyqty nyǵaıtady. Ortaq álipbıdiń damýy túrki halyqtardyń til murasyn saqtaı otyryp, ony damytady", – delingen málimdemede.
Bakýde Túrki akademııasy men Túrki til ınstıtýty birlesip ótkizgen komıssııanyń úshinshi otyrysynda sheshim qabyldanǵany habarlandy.
Málimdemede sondaı-aq ortaq álipbıdiń damýy lıngvıstıkalyq muranyń saqtalýyna jáne túrki halyqtary arasyndaǵy baılanysty nyǵaıtýǵa yqpal etetini atap ótilgen.
