قىرعىزستان پرەزيدەنتى سادىر جاپاروۆ شەنەۋنىكتەردىڭ ايلىعىن كوتەرۋگە تىيىم سالدى. موراتوري 2026 جىلعا دەيىن سوزىلادى، دەپ حابارلايدى «ادىرنا» ءتىلشىسى.
ءتيىستى قۇجات ۇكىمەتتىك «ەركين-توو» گازەتىندە جاريالاندى. مەملەكەت باسشىسىنىڭ ايتۋىنشا، بۇل شەشىم مەملەكەتتىك بيۋدجەت شىعىندارىن وڭتايلاندىرۋ ماقساتىندا قابىلدانعان. اتاپ ايتساق، مەملەكەتتىك ۆەدومستۆو، كوميتەتتەر، پرەزيدەنتتىڭ وڭىرلەردەگى ۋاكىلەتتى وكىلدىكتەرى، سونداي-اق جەرگىلىكتى باسقارۋ ورگاندارى قىزمەتكەرلەرىنىڭ جالاقى مولشەرىن كوبەيتۋگە بولمايدى. ودان بولەك، مەملەكەتتىك ورگانداردىڭ شتات سانىن كەڭەيتۋگە دە رۇقسات جوق.ايتا كەتەيىك، قۇجاتتا مەملەكەتتىك قىزمەتكەرلەردىڭ جالاقىسىن، سونداي-اق شتات قۇرىلىمىن وزگەرتۋ ەرەكشە جاعدايلاردا پرەزيدەنتتىڭ جەكە شەشىمىمەن مۇمكىن بولاتىنى كورسەتىلگەن.
