Qyrǵyzstan prezıdenti Sadyr Japarov sheneýnikterdiń aılyǵyn kóterýge tyıym saldy. Moratorıı 2026 jylǵa deıin sozylady, dep habarlaıdy «Adyrna» tilshisi.
Tıisti qujat úkimettik «Erkın-Too» gazetinde jarııalandy. Memleket basshysynyń aıtýynsha, bul sheshim memlekettik bıýdjet shyǵyndaryn ońtaılandyrý maqsatynda qabyldanǵan. Atap aıtsaq, memlekettik vedomstvo, komıtetter, prezıdenttiń óńirlerdegi ýákiletti ókildikteri, sondaı-aq jergilikti basqarý organdary qyzmetkerleriniń jalaqy mólsherin kóbeıtýge bolmaıdy. Odan bólek, memlekettik organdardyń shtat sanyn keńeıtýge de ruqsat joq.
Aıta keteıik, qujatta memlekettik qyzmetkerlerdiń jalaqysyn, sondaı-aq shtat qurylymyn ózgertý erekshe jaǵdaılarda prezıdenttiń jeke sheshimimen múmkin bolatyny kórsetilgen.
