ماڭعىستاۋ وبلىسىندا 60-قا جۋىق مەكتەپ وقۋشىسى استان ۋلانىپ قالعان، دەپ حابارلايدى “ادىرنا” ۇلتتىق پورتالى Lada.kz-كە سىلتەپ.
«6 قىركۇيەك كۇنى كەشكە N8 مەكتەپتىڭ 21 وقۋشىسىنىڭ اتا-اناسى بالالارىنىڭ ءىشى اۋىرىپ، دەنە قىزۋى كوتەرىلگەسىن، جەدەل جاردەم كومەگىنە جۇگىنگەن. ساعات 13:15-تە مەديتسينالىق كومەككە 58 بالا جۇگىنگەن. 26 بالا ەمحانادا ەم قابىلداپ جاتىر، 27 بالا ۇيىندە، بەسەۋى اۋرۋحانادا جاتىر»، - دەپ حابارلادى ماڭعىستاۋ وبلىسىنىڭ دەنساۋلىق ساقتاۋ باسقارماسىنان.
بەسشوقى اۋىلىنداعى 1-سىنىپ وقۋشىسىنىڭ تۋىستارىنىڭ ءبىرىنىڭ مالىمدەمەسىنە قاراعاندا، N8 مەكتەپتە ءبىرىنشى اۋىسىمدا وقيتىن 1-4 سىنىپ وقۋشىلارى اسحانادا جاپپاي ۋلانعان.
«قارىنداسىم ساباقتان شارشاپ قايتىپ، ۇيىقتاعىسى كەلەتىنىن ايتتى. كەشكە ويانعان كەزدە جۇرەگى اينىپ، قىزۋى 39,2 دەيىن كوتەرىلدى. ونى ءوزىمىز ماڭعىستاۋ اۋىلىنداعى اۋرۋحاناعا جەتكىزدىك»، - دەيدى قىزدىڭ اعاسى.
زارداپ شەككەن 1-سىنىپ وقۋشىسىنىڭ تۋىستارى بەسشوقى اۋىلىندا اۋرۋحاناعا ادام تولىپ، كەزەك پايدا بولعانىن ايتادى. ولاردىڭ ايتۋىنشا، وندا 50-دەن استام بالا جۇرگەن.
«اقتاۋ قالاسىنىڭ 26-شاعىن اۋدانىندا ورنالاسقان ماڭعىستاۋ وبلىستىق بالالار اۋرۋحاناسىنا بالالارىن جەتكىزگەندەر بار»، - دەلىنگەن حابارلامادا.
مالىمەتتەرگە سايكەس، زارداپ شەككەندەر سانى جالعاسۋدا.
