Mańǵystaý oblysynda 60-qa jýyq mektep oqýshysy astan ýlanyp qalǵan, dep habarlaıdy “Adyrna” ulttyq portaly Lada.kz-ke siltep.
«6 qyrkúıek kúni keshke N8 mekteptiń 21 oqýshysynyń ata-anasy balalarynyń ishi aýyryp, dene qyzýy kóterilgesin, jedel járdem kómegine júgingen. Saǵat 13:15-te medıınalyq kómekke 58 bala júgingen. 26 bala emhanada em qabyldap jatyr, 27 bala úıinde, beseýi aýrýhanada jatyr», - dep habarlady Mańǵystaý oblysynyń densaýlyq saqtaý basqarmasynan.
Besshoqy aýylyndaǵy 1-synyp oqýshysynyń týystarynyń biriniń málimdemesine qaraǵanda, N8 mektepte birinshi aýysymda oqıtyn 1-4 synyp oqýshylary ashanada jappaı ýlanǵan.
«Qaryndasym sabaqtan sharshap qaıtyp, uıyqtaǵysy keletinin aıtty. Keshke oıanǵan kezde júregi aınyp, qyzýy 39,2 deıin kóterildi. Ony ózimiz Mańǵystaý aýylyndaǵy aýrýhanaǵa jetkizdik», - deıdi qyzdyń aǵasy.
Zardap shekken 1-synyp oqýshysynyń týystary Besshoqy aýylynda aýrýhanaǵa adam tolyp, kezek paıda bolǵanyn aıtady. Olardyń aıtýynsha, onda 50-den astam bala júrgen.
«Aqtaý qalasynyń 26-shaǵyn aýdanynda ornalasqan Mańǵystaý oblystyq balalar aýrýhanasyna balalaryn jetkizgender bar», - delingen habarlamada.
Málimetterge sáıkes, zardap shekkender sany jalǵasýda.
