پاريجدە ءوتىپ جاتقان پاراليمپيادا ويىندارىندا قازاقستاندىق كانوەشىلەر جارتىلاي فينالعا شىقتى. بۇل تۋرالى تۋريزم جانە سپورت مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
تۋريزم جانە سپورت مينيسترلىگىنىڭ مالىمەتىنشە، جانىل بالتاباەۆا 200 م قاشىقتىققا VL3 كلاسىندا سىنعا ءتۇسىپ، جوعارى ناتيجە كورسەتتى (1:04.72). وسىلايشا، سپورتشى 7 قىركۇيەكتە وتەتىن (استانا ۋاقىتى بويىنشا ساعات 13:49-دا) جارتىلاي فينالدا باق سىنايدى.
سونداي-اق سپاتاي بيبارىس KL2 كلاسىندا 200 م قاشىقتىقتى 48.50 سەكۋندتا باعىندىرىپ، جارىستى جالعاستىرۋعا مۇمكىندىك الدى.
جارىس 7 قىركۇيەكتە استانا ۋاقىتى بويىنشا 13:14-دە وتەدى.
