Парижде өтіп жатқан Паралимпиада ойындарында қазақстандық каноэшілер жартылай финалға шықты. Бұл туралы Туризм және спорт министрлігі мәлімдеді, деп хабарлайды “Адырна” ұлттық порталы.
Туризм және спорт министрлігінің мәліметінше, Жаныл Балтабаева 200 м қашықтыққа VL3 класында сынға түсіп, жоғары нәтиже көрсетті (1:04.72). Осылайша, спортшы 7 қыркүйекте өтетін (Астана уақыты бойынша сағат 13:49-да) жартылай финалда бақ сынайды.
Сондай-ақ Спатай Бибарыс KL2 класында 200 м қашықтықты 48.50 секундта бағындырып, жарысты жалғастыруға мүмкіндік алды.
Жарыс 7 қыркүйекте Астана уақыты бойынша 13:14-де өтеді.
