نۇرداۋلەت جۇماعالي پاريج پاراليمپياداسىنىڭ فينالىندا SB13 ساناتىندا 100 مەترگە براسس ادىسىمەن جۇزۋدەن باق سىناپ، كۇمىس مەدال جەڭىپ الدى. بۇل تۋرالى تۋريزم جانە سپورت مينيسترلىگى جاريالادى، دەپ حابارلايدى “ادىرنا” ۇلتتىق پورتالى.
«نۇرداۋلەت جۇماعاليدى پاريج پاراليمپياداسىنداعى تاماشا جەتىستىگىمەن شىن جۇرەكتەن قۇتتىقتايمىن! پارا ءجۇزۋ سپورتىنداعى وسى كۇنگە دەيىن جيعان تاجىريبەسى مەن شەبەرلىگىنىڭ ناتيجەسىندە بۇگىن پاريج تورىندە كۇمىس مەدال ولجالاپ، الەمدىك ارەنادا ەل ابىرويىن اسقاقتاتتى. بۇل جەڭىسى ارقىلى ول ەلىمىزدە پارا سپورتتىڭ دامۋىنا، ونى ناسيحاتتاۋعا ۇلكەن ۇلەس قوستى. ونىڭ جەڭىسكە دەگەن ەرىك-جىگەرى بارشاعا ۇلگى ءارى بارىنە جىگەر بەرەدى دەپ ويلايمىن. بولاشاقتا دا جوعارى ناتيجەلەرگە قول جەتكىزىپ، جانكۇيەرلەردى جارقىن جەڭىسىمەن قۋانتاتىنىنا سەنىمدىمىن»،- دەدى تۋريزم جانە سپورت ءمينيسترى ەربول مىرزابوسىنوۆ.
