بۇگىن مەملەكەت باسشىسىنىڭ باستاماسىمەن قولعا الىنعان «تازا قازاقستان» رەسپۋبليكالىق ەكولوگيالىق باعدارلاماسى اياسىنداعى ءىس-شارالار شىمكەنت قالاسىندا جالعاسىن تاپتى.
ەكولوگيالىق ءىس-شارالارعا قالانىڭ شەتكى ايماقتارىنداعى ەلدى مەكەندەردىڭ تۇرعىندارى، شىمكەنت قالالىق قوعامدىق كەڭەسىنىڭ مۇشەلەرى، اۋدان ارداگەرلەرى، «جاسىل ەل» ەڭبەك جاساقتارى، ەرىكتى جاستار قاتىستى.
بۇگىنگى ءىس-شاراعا قاتىسۋشىلار مەملەكەت باسشىسىنىڭ ەكولوگيالىق مادەنيەتتى قالىپتاستىرۋ جونىندەگى باستاماسىنا جان-جاقتى قولداۋ كورسەتىپ، «تازا كوشە – تازا اۋلا»، «بۇلاق كورسەڭ كوزىن اش»، «تازا جاعالاۋ» ۇرانىمەن قالا تۇرعىندارى مەن قوناقتارىنا تازالىق مادەنيەتىن قالىپتاستىرۋدى دا ناسيحاتتادى.
«تازالىق كىسىنىڭ ىشكى مادەنيەتىنىڭ، ادامگەرشىلىگىنىڭ كورىنىسى دەۋگە بولادى. ءبىز ءوزىمىزدىڭ، ءوز ءۇيىمىزدىڭ عانا ەمەس، تۇرىپ جاتقان جەرىمىزدىڭ، قالامىزدىڭ، تۋعان جەرىمىزدىڭ تازا بولۋىنا دا باسا ءمان بەرۋگە داعدىلانۋىمىز كەرەك. مەملەكەت باسشىسىنىڭ باستاماسىمەن قولعا الىنىپ وتىرعان «تازا قازاقستان» باعدارلاماسىنا جاستاردىڭ بەلسەندى تۇردە قاتىسىپ جاتقانىن كورىپ قۋانىپ وتىرمىن»، - دەيدى شىمكەنت قالاسى تۇران اۋدانىنداعى ارداگەرلەر كەڭەسىنىڭ توراعاسى ادىلبەك ساتىبالدى.
جالپى بۇگىندە شىمكەنت قالاسىنىڭ تۇرعىندارى «تازا قازاقستان» مەملەكەتتىك باعدارلاماسىنىڭ وڭ ناتيجە كورسەتىپ جاتقانىن، تۇرعىندار اراسىندا تازالىق مادەنيەتىنىڭ قالىپتاسىپ كەلە جاتقانىن، بۇل باستامانىڭ كوپشىلىك ىستىق ىقىلاسپەن قابىلداپ جاتىرعانى بايقاۋعا بولادى.
وسى ورايدا «جاسىل ەل» شتابىنىڭ قاراتاۋ اۋدانى بويىنشا ۇيلەستىرۋشىسى نۇرلىيسلام قۋانىش – «قورشاعان ورتانى، تابيعاتتى قورعاۋ – بارشاعا ورتاق مىندەت. سوندىقتان بارشا قالا تۇرعىندارى مەن جاستاردى وسى يگىلىكتى شاراعا ۇلەس قوسۋعا شاقىراتىنىن، سونداي-اق كۇندەلىكتى تۇرمىستىق قالدىقتاردان شىققان قوقىستاردىڭ قالانىڭ ەكولوگياسىنا تيگىزەر زالالىنىڭ وراسان ەكەنىن ايتىپ، تازالىقتى ساقتاۋعا شاقىردى.
جالپى قالادا وتكەن تازالىق ءىس-شاراسىنا 23 تەحنيكا، 1200-دەن استام تۇرعىندار قاتىسىپ، 35 شاقىرىمنان استام جول بويىندا تازالىق جۇمىستارى مەن 2 شاعىن اۋدانداعى كوپ قاباتتى تۇرعىن ءۇي اۋلالارى، 2 گۇلزار مەن 1 ەلدى مەكەن اۋماعى تازالانىپ، 76 توننا قوقىس شىعارىلدى.
