شىعىس قازاقستانداعى ارتەمەۆ شاحتاسىندا ءبىر جۇمىسشى قازا تاپتى، دەپ حابارلايدى “ادىرنا” ۇلتتىق پورتالى.
قايعىلى وقيعا 1 قىركۇيەككە قاراعان ءتۇنى بولعان. كەنشىنىڭ ولىمىنە سەبەپ - تاستىڭ قۇلاۋى.
"1 قىركۇيەككە قاراعان ءتۇنى ارتەمەۆ شاحتاسىندا تاستىڭ قۇلاۋى سالدارىنان مەردىگەر ۇيىمىنىڭ ۇڭگۋشىسى جاراقات الىپ، قايتىس بولدى. قايعىلى جاعدايلاردى تەرگەۋ بويىنشا ارنايى كوميسسيالار قۇرىلدى", - دەپ حابارلادى KAZ Minerals توبى.
بۇعان دەيىن KAZ Minerals توبى ديرەكتورلار كەڭەسىنىڭ توراعاسى ولەگ نوۆاچۋك ءتورت كەنشىنىڭ 31 تامىز كۇنى گازدان ۋلانىپ، قايتىس بولعانىن راستاعان ەدى. ەندى جازاتايىم وقيعالاردى تەرگەۋگە قاتىسۋ ءۇشىن باسشى وڭىرگە جەتكەن. كومپانيا باسشىلىعى مەن ۇجىمى قازا تاپقانداردىڭ تۋىستارى مەن جاقىندارىنا قايعىرىپ، كوڭىل ايتادى.
