شىعىس قازاقستان وبلىسىندا ريددەر دەگەن قالا بار. قالا دەگەن ستاتۋسىنا قاراپ اق كەمىندە قانشا حالىق تۇراتىنىن سەزۋگە بولار...
سول قالادا جالعىز قازاق مەكتەبى بار. ەكى عيماراتتا وقيدى.
بىرەۋى 1936 جىلى سالىنعان، بىرەۋى 1958 جىلى سالىنعان.
ءبىرى اۋەلدە مەكتەپ بولۋعا ەمەس، پيونەرلەر ۇيىنە ارنالىپ سالىنعان.
ەندى، 87 جىل، 65 جىل بولعان عيماراتتاردىڭ جاعدايى ايتپاسا دا تۇسىنىكتى. اپاتتى جاعدايدا!
ال، جاقىندا ءبىر جاڭا مەكتەپ سالىنعان كوزىمىز ەندى اشىلا ما دەگەندە جاڭا مەكتەپتى ارالاس ەتىپ اشقان. ارالاس دەگەن اتى، ايتپەسە ورىس سىنىبىندا 150 گە جەتپەيتىن وقۋشى عانا بار. ول 150 وقۋشىنى قالاداعى كەز كەلگەن ورىس مەكتەبىنە سىيعىزا سالۋعا بولادى. بىراق، انا جاعدايدا قاقىراپ جاتقان قازاق مەكتەبىنە تۇتاس جاڭا مەكتەپتى بەرۋگە قيماعان. قازاقتار قينالا بەرسىن، اپاتتى مەكتەپتە وقي بەرسىن دەيتىن شىعار...
بۇگىن ريددەردەگى سول مەكتەپتىڭ اتا-انالارى پرەزيدەنت قاسىم-جومارت توقاەۆقا ۇندەۋ جاساپتى. ءۇمىت قوي ەندى.
بىراق، شىعىس قازاقستان وبلىسى ءبىلىم باسقارماسى باسشىسى ول ايعايدى تۇسىنبەيدى دە، بىرەۋ اۋدارىپ بەرسە دە تۇسىنگىسى كەلمەيدى. سەبەبى، مۇلدە قازاق ءتىلىن بىلمەيتىن باسشى، جانى دا، قانى دا قازاق ەمەس.
ونى تاعايىنداعان كەتكەن احمەتوۆ، ال، قازىرگى وبلىس اكىمى رەسەيدە ەلشى بوپ كەلگەن كىسى، ەلشى بولعان جاعىنا قاراپ الاڭداۋى مۇمكىن...
ريددەردە تازا قازاق مەكتەبىن اشۋعا، مىنا سۋرەتتەگى 1936 جىلى سالىنعان عيماراتتا قالاي بالا وقيدى دەپ ويلانىپ ۇلگەرمەگەن سەكىلدى.
ال، ءبىزدىڭ مينيسترلىك بۇندايدا كەرەڭ بولا قالادى. ايتپەسە، ريددەر شۋلاعالى ءتورت ايدان استى. مينيستردە قازىرگە ءۇن جوق. ۇندەمەيتىن دە شىعار. ەڭ سوڭعى ءۇمىت پرەزيدەنتتە...
پرەزيدەنت وتكەن جىلى سۇرانىس قاي تىلدە بولسا، مەكتەپ سول تىلدە اشىلسىن دەمەدى مە، ەندى سونىسىن شىعىسقا قاراپ ءبىر قايتالاپ جىبەرسە ماسەلە شەشىلەر ەدى...
