Shyǵys Qazaqstandaǵy Artemev shahtasynda bir jumysshy qaza tapty, dep habarlaıdy “Adyrna” ulttyq portaly.
Qaıǵyly oqıǵa 1 qyrkúıekke qaraǵan túni bolǵan. Kenshiniń ólimine sebep - tastyń qulaýy.
"1 qyrkúıekke qaraǵan túni Artemev shahtasynda tastyń qulaýy saldarynan merdiger uıymynyń úńgýshisi jaraqat alyp, qaıtys boldy. Qaıǵyly jaǵdaılardy tergeý boıynsha arnaıy komıssııalar quryldy", - dep habarlady KAZ Minerals toby.
Buǵan deıin KAZ Minerals toby Dırektorlar keńesiniń tóraǵasy Oleg Novachýk tórt kenshiniń 31 tamyz kúni gazdan ýlanyp, qaıtys bolǵanyn rastaǵan edi. Endi jazataıym oqıǵalardy tergeýge qatysý úshin basshy óńirge jetken. Kompanııa basshylyǵy men ujymy qaza tapqandardyń týystary men jaqyndaryna qaıǵyryp, kóńil aıtady.
