مەكتەپ وقۋشىسىنىڭ كيىمى، سومكەسى قانداي بولۋ كەرەكتىگى تۋرالى دەنساۋلىق ساقتاۋ مينيسترلىگى مالىمدەدى، دەپ حابارلايدى “ادىرنا” ۇلتتىق پورتالى.
بالانىڭ مەكتەپ كيىمى دەنساۋلىققا قاۋىپسىز، قولايلى، تابيعي ماتادان تىگىلۋى كەرەك. اياق كيىمىن تابانىن قىسپايتىنداي، كيگەندە قان اينالىم دۇرىس بولاتىنداي ەتىپ تاڭداۋ قاجەت.
ال وقۋشىنىڭ مەكتەپكە ۇستايتىن سومكەسىندە سالماق بىركەلكى ءبولىنىپ، ونىڭ سىرتىندا جارىق شاعىلىستىراتىن ەلەمەنتتەر بولۋى كەرەك. ريۋكزاكتىڭ سالماعى تومەنگى سىنىپتار ءۇشىن 700 گراممنان، ال جوعارى سىنىپتار ءۇشىن 1000 گراممنان اسپاۋى قاجەت.
بالا گادجەتتەن ۇستاۋدى شەكتەتۋ كەرەك. گادجەتتەردىڭ كوزدىڭ كورۋى مەن زەيىن قويۋىنا تەرىس ىقپال ەتەتىنىن ەسكەرە وتىرىپ سمارتفوندار مەن باسقا دا قۇرىلعىلاردى قولدانۋ ۋاقىتىن قىسقارتۋعا كەڭەس بەرىلەدى. سانيتارلىق ەرەجەلەردە كومپيۋتەرلىك ساباقتاردىڭ ۇزدىكسىز ۇزاقتىعى رەگلامەنتتەلگەن. سونىمەن ءبىر ساباق كەزىندە (45 مينۋت) تىكەلەي پەرسونالدى كومپيۋتەرمەن، پلانشەت جانە نوۋتبۋكپەن جۇمىس ىستەۋ ۋاقىتى بىلاي كورسەتىلگەن:
- مەكتەپالدى، مەكتەپكە دەيىنگى توپتارعا (سىنىپتارعا) جانە 1 سىنىپتارعا 15 مينۋتتان كوپ ەمەس، 2-3 سىنىپتار ءۇشىن 20 مينۋتتان اسپايتىن;
- 4-8 سىنىپتارعا 25 مينۋتتان كوپ ەمەس;
- 9-11 (12) سىنىپتار ءۇشىن 30 مينۋتتان اسىرمايتىن ۋاقىت قانا بەرىلەدى.
