مەملەكەت باسشىسى قاسىم-جومارت توقاەۆ ساباقتا ۇيالى تەلەفوندى پايدالانۋدى شەكتەيتىن زاڭعا قول قويدى، دەپ حابارلايدى «ادىرنا» ءتىلشىسى.
«پرەزيدەنت «قازاقستان رەسپۋبليكاسىنىڭ كەيبىر زاڭنامالىق اكتىلەرىنە ءبىلىم بەرۋ، تالىمگەرلىك جانە بالالاردىڭ قاۋىپسىزدىگى ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» قازاقستان رەسپۋبليكاسىنىڭ زاڭىنا قول قويدى»، - دەلىنگەن حابارلامادا.
ەسكە سالايىق، بۇعان دەيىن ءماجىلىس دەپۋتاتتارى قازاقستان مەكتەپتەرىندە ۇيالى تەلەفون پايدالانۋدى شەكتەۋدى ۇسىناتىن زاڭ جوباسىن قاراستىرعان ەدى. 1 اقپاندا زاڭدى سەنات دەپۋتتارى ماقۇلدادى.
وقۋ-اعارتۋ ءمينيسترىنىڭ ورىنباسارى ناتاليا جۇمادىلداەۆا شەكتەۋ تەك وقۋ پروتسەسى كەزىندە عانا قولدانىلاتىن ءتۇسىندىردى.
«ءبىز بالاعا ۇيالى تەلەفوندى پايدالانۋعا تىيىم سالۋ تۋرالى ايتىپ وتىرعان جوقپىز. كوپتەگەن اتا-انا قاجەت كەزىندە بالاسىمەن بايلانىسا الماي قالامىز دەپ ويلايدى. شىن مانىسىندە شەكتەۋ تەك ساباق بارىسىندا عانا قولدانىلادى»،—دەدى ول.
