Mektep oqýshysynyń kıimi, sómkesi qandaı bolý kerektigi týraly Densaýlyq saqtaý mınıstrligi málimdedi, dep habarlaıdy “Adyrna” ulttyq portaly.
Balanyń mektep kıimi densaýlyqqa qaýipsiz, qolaıly, tabıǵı matadan tigilýi kerek. Aıaq kıimin tabanyn qyspaıtyndaı, kıgende qan aınalym durys bolatyndaı etip tańdaý qajet.
Al oqýshynyń mektepke ustaıtyn sómkesinde salmaq birkelki bólinip, onyń syrtynda jaryq shaǵylystyratyn elementter bolýy kerek. Rıýkzaktyń salmaǵy tómengi synyptar úshin 700 grammnan, al joǵary synyptar úshin 1000 grammnan aspaýy qajet.
Bala gadjetten ustaýdy shektetý kerek. Gadjetterdiń kózdiń kórýi men zeıin qoıýyna teris yqpal etetinin eskere otyryp smartfondar men basqa da qurylǵylardy qoldaný ýaqytyn qysqartýǵa keńes beriledi. Sanıtarlyq erejelerde kompıýterlik sabaqtardyń úzdiksiz uzaqtyǵy reglamenttelgen. Sonymen bir sabaq kezinde (45 mınýt) tikeleı personaldy kompıýtermen, planshet jáne noýtbýkpen jumys isteý ýaqyty bylaı kórsetilgen:
- mektepaldy, mektepke deıingi toptarǵa (synyptarǵa) jáne 1 synyptarǵa 15 mınýttan kóp emes, 2-3 synyptar úshin 20 mınýttan aspaıtyn;
- 4-8 synyptarǵa 25 mınýttan kóp emes;
- 9-11 (12) synyptar úshin 30 mınýttan asyrmaıtyn ýaqyt qana beriledi.
