تۇركىستان وبلىسىندا 500-گە جۋىق مۇعالىم جالعان ديپلوممەن ءبىلىم بەرىپ كەلگەن. بۇل تۋرالى ءوڭىر اكىمى دارحان ساتىبالدى ۇستازداردىڭ تامىز كەڭەسىندە ايتتى, دەپ حابارلايدى «ادىرنا» ءتىلشىسى.
ول بۇل ىسكە قاتىستى بىرقاتار لاۋازىمدى تۇلعا مەن جاۋاپتى قىزمەتكەر قىلمىستىق جاۋاپكەرشىلىككە تارتىلاتىنىن مالىمدەدى.
«تەكسەرۋدە انىقتالعانداي، كەيبىر مۇعالىمنىڭ جوعارى ءبىلىمى تۋرالى ديپلومى جالعان بولىپ شىعىپ جاتىر. ونى انتيكور انىقتاپ جاتىر. قازىر 500-گە جۋىق جالعان ديپلوم شىعىپ وتىر. سونىمەن قاتار ديرەكتور مەن جۇمىسشى اراسىنداعى 16 داۋ پرەزيدەنت اكىمشىلىگىنە دەيىن قارالعان. قولى لاس قىزمەتكەرلەر ءبىلىم سالاسىن تابىس تابۋ كوزىنە اينالدىرعان. بۇل بويىنشا قىزمەتكەرلەردىڭ ۇستىنەن بىرنەشە قىلمىستىق ءىس قارالدى. ءالى دە قارالاتىن بولادى»،—دەدى اكىم.
