Түркістан облысында 500-ге жуық мұғалім жалған дипломмен білім беріп келген. Бұл туралы өңір әкімі Дархан Сатыбалды ұстаздардың тамыз кеңесінде айтты, деп хабарлайды «Адырна» тілшісі.
Ол бұл іске қатысты бірқатар лауазымды тұлға мен жауапты қызметкер қылмыстық жауапкершілікке тартылатынын мәлімдеді.
«Тексеруде анықталғандай, кейбір мұғалімнің жоғары білімі туралы дипломы жалған болып шығып жатыр. Оны Антикор анықтап жатыр. Қазір 500-ге жуық жалған диплом шығып отыр. Сонымен қатар директор мен жұмысшы арасындағы 16 дау Президент әкімшілігіне дейін қаралған. Қолы лас қызметкерлер білім саласын табыс табу көзіне айналдырған. Бұл бойынша қызметкерлердің үстінен бірнеше қылмыстық іс қаралды. Әлі де қаралатын болады»,—деді әкім.
