Túrkistan oblysynda 500-ge jýyq muǵalim jalǵan dıplommen bilim berip kelgen. Bul týraly óńir ákimi Darhan Satybaldy ustazdardyń tamyz keńesinde aıtty, dep habarlaıdy «Adyrna» tilshisi.
Ol bul iske qatysty birqatar laýazymdy tulǵa men jaýapty qyzmetker qylmystyq jaýapkershilikke tartylatynyn málimdedi.
«Tekserýde anyqtalǵandaı, keıbir muǵalimniń joǵary bilimi týraly dıplomy jalǵan bolyp shyǵyp jatyr. Ony Antıkor anyqtap jatyr. Qazir 500-ge jýyq jalǵan dıplom shyǵyp otyr. Sonymen qatar dırektor men jumysshy arasyndaǵy 16 daý Prezıdent ákimshiligine deıin qaralǵan. Qoly las qyzmetkerler bilim salasyn tabys tabý kózine aınaldyrǵan. Bul boıynsha qyzmetkerlerdiń ústinen birneshe qylmystyq is qaraldy. Áli de qaralatyn bolady»,—dedi ákim.
