ەلىمىزدە سپورت سالاسىندا بيىك تۇعىردان كورىنگەن سپورتشىلارىمىز كوپ. ونىڭ باسىم بولىگى اۋىلدان شىققان چەمپيوندار. سول سەبەپتى جەتىسۋ وبلىسى اۋىلداردا سپورت نىساندارىن كوبەيتۋگە نازار اۋدارىپ جاتقانىن مالىمدەدى، دەپ حابارلايدى “ادىرنا” ۇلتتىق پورتالى.
اكىمدىك بيىل وبلىس بويىنشا 14 سپورت نىساندارىنىڭ ەل يگىلىگىنە قولدانىسقا بەرىلەتىنىن حابارلادى.
اكىمدىكتىڭ جەلىدەگى پاراقشاسىندا الاكول اۋدانىنا قاراستى لەپسينسك اۋىلىندا دەنە شىنىقتىرۋ جانە سپورت كەشەنى، پانفيلوۆ اۋدانى ءۇشارال اۋىلىندا دەنە شىنىقتىرۋ جانە سپورت كەشەنى، سارقان اۋدانىنا قاراستى المالى اۋىلىندا دەنە شىنىقتىرۋ جانە سپورت كەشەنى، تەكەلى قالاسىندا دەنە شىنىقتىرۋ جانە سپورت كەشەنى، تالدىقورعان قالاسىندا ۆولەيبولدان وقۋ-جاتتىعۋ سپورت كەشەنى، اقسۋ اۋدانىنداعى قاپال اۋىلىندا جانە پانفيلوۆ اۋدانى كوكتال اۋىلىندا انعار ءتيپتى سپورت كەشەندەرىندە قۇرىلىس قارقىندى جۇرگىزىلىپ جاتقانى جايلى اقپارات كورسەتىلگەن.
ودان بولەك، بيىل جەتىسۋ ورتالىق ستاديونى رەكونسترۋكتسيادان وتكەن.
