Elimizde sport salasynda bıik tuǵyrdan kóringen sportshylarymyz kóp. Onyń basym bóligi aýyldan shyqqan chempıondar. Sol sebepti Jetisý oblysy aýyldarda sport nysandaryn kóbeıtýge nazar aýdaryp jatqanyn málimdedi, dep habarlaıdy “Adyrna” ulttyq portaly.
Ákimdik bıyl oblys boıynsha 14 sport nysandarynyń el ıgiligine qoldanysqa beriletinin habarlady.
Ákimdiktiń jelidegi paraqshasynda Alakól aýdanyna qarasty Lepsınsk aýylynda dene shynyqtyrý jáne sport kesheni, Panfılov aýdany Úsharal aýylynda dene shynyqtyrý jáne sport kesheni, Sarqan aýdanyna qarasty Almaly aýylynda dene shynyqtyrý jáne sport kesheni, Tekeli qalasynda dene shynyqtyrý jáne sport kesheni, Taldyqorǵan qalasynda voleıboldan oqý-jattyǵý sport kesheni, Aqsý aýdanyndaǵy Qapal aýylynda jáne Panfılov aýdany Kóktal aýylynda anǵar tıpti sport keshenderinde qurylys qarqyndy júrgizilip jatqany jaıly aqparat kórsetilgen.
Odan bólek, bıyl Jetisý ortalyq stadıony rekonstrýkııadan ótken.
