چەمپيوندار ليگاسىنىڭ ءۇشىنشى تۋرى بويىنشا «قايرات» پەن كيپرلىك «پافوس» اراسىنداعى تارتىستى ويىن ءوتتى، دەپ حابارلايدى "ادىرنا" ۇلتتىق پورتالى.
الماتىدا وتكەن ماتچتىڭ العاشقى مينۋتتارىندا "پافوستىڭ" جارتىلاي قورعاۋشىسى جۋان كوررەيا الاڭنان قۋىلدى.
ول اۋە دوبىنا سوققى جاساۋ كەزىندە كەزدەيسوق «قايرات» قورعاۋشىسى باسىنا اياعى تيگەن. وسى ءساتتى تورەشى قاۋىپتى ويىن دەپ باعالاپ، كوررەياعا قىزىل ءتۇستى قاعاز كورسەتتى.
كەزدەسۋ بارىسىندا كيپرلىك كوماندا 72-مينۋتتا گول سوققانىمەن، تورەشىلەر ونى وفسايد جاعدايىندا سوعىلعان دەپ تانىدى.
ويىننىڭ نەگىزگى ۋاقىتى بويى ەكى كوماندا دا بىرنەشە قاۋىپتى ءسات ۇيىمداستىرعانىمەن، گول سوعۋعا مۇمكىندىك بولمادى.
ماتچ 0:0 ەسەبىمەن اياقتالدى.
ۇقساس جاڭالىقتار
