اقتوبە وبلىسىندا 26 تامىز كۇنى جانتۇرشىگەرلىك جول اپاتى بولدى، دەپ حابارلايدى “ادىرنا” ۇلتتىق پورتالى.
ءاليا اۋىلىنداعى جول-كولىك اپاتىنان زارداپ شەككەن بالا اۋرۋحاناعا جەتكىزىلگەن سوڭ كوز جۇمدى.
ءبىر ءۇيدىڭ 5 ادامى قازا تاپقان جول اپاتى سامارا - شىمكەنت تاسجولىندا بولعان. دارىگەرلەر قوبدا اۋداندىق اۋرۋحاناسىنا جەتكىزىلگەن بالانى امان الىپ قالۋ مۇمكىن بولماعانىن ايتتى.
“جەدەل جاردەم العاشىندا 3 جاسار بالا دەپ شامالاپ ايتتى. ءتۇرلى دەنە جاراقاتىن العان بالانى امان الىپ قالۋ مۇمكىن بولمادى. دارىگەرلەر 30 مينۋت بويى جانتالاسقانىمەن، 2020 جىلى تۋعان بالا كوز جۇمدى. ال اۋرۋحاناعا تۇسكەن جۇرگىزۋشىنىڭ جاعدايى بىرقالىپقا ءتۇستى. قازىر ەسىن بىلەدى، بىراق جاعدايى اۋىر. ونى ساناۆياتسيامەن اقتوبە وبلىستىق كوپسالالى اۋرۋحاناعا جەتكىزۋ جولى قاراستىرىلىپ جاتىر”، — دەپ حابارلادى اقتوبە وبلىستىق دەنساۋلىق ساقتاۋ باسقارماسىنىڭ ءباسپاسوز قىزمەتى.
26 تامىز كۇنى ساعات شامامەن 18:45-تە جول-كولىك اپاتىنان بىردەن ءتورت ادام كوز جۇمعان ەدى.
قايتىس بولعانداردىڭ ىشىندە ەكەۋى 12 جاستاعى قىز جانە 14 جاستاعى ۇل.
