ورال ماڭىندا اپات بولىپ، سونىڭ كەسىرىنەن ەكى ەرەسەك پەن بالا قازا تاپتى. بۇل تۋرالى “موي گورود” سايتى جاريالادى، دەپ حابارلايدى “ادىرنا” ۇلتتىق پورتالى.
بقو پوليتسيا دەپارتامەنتىنىڭ ءباسپاسوز قىزمەتىنىڭ مالىمەتىنشە، اپات 20 مامىر كۇنى ساعات 23:05 شاماسىندا بولعان.
پودستەپنوە –مەلوۆىە گوركي اۆتوجولىمەن ءجۇرىپ كەلە جاتقان Changan اۆتوكولىگىنىڭ 46 جاستاعى جۇرگىزۋشىسى قارسى جولاققا شىعىپ، جارتىلاي تىركەمەسى بار VOLVO ماركالى اۆتوكولىكپەن سوقتىعىستى.
جول-كولىك وقيعاسى سالدارىنان Changan جۇرگىزۋشىسى جانە ونىڭ 2011 جانە 1977 جىلعى ەكى جولاۋشىسى ەسىن جيماي، مەرت بولدى. وسى فاكتى بويىنشا سوتقا دەيىنگى تەرگەۋ باستالعان. پوليتسيا بۇل اقپاراتقا تۇسىنىكتەمە بەرمەدى.
ءدال سول ءتۇنى ساعات 02:20 شاماسىندا اتىراۋ وبلىسىنداعى دوسسور-قۇلسارى - بەينەۋ تاس جولىنىڭ 133-شاقىرىمىندا دا جول اپاتى بولعان. Toyota Ipsum جانە كاماز كولىكتەرى سوقتىعىسىپ، سونىڭ سالدارىنان Toyota Ipsum ورتەنىپ كەتتى. Toyota Ipsum-دا بولعان جۇرگىزۋشى مەن ءۇش جولاۋشى قازا تاپتى. سولاردىڭ ىشىندە ءبىر بالا بولعان.
