Aqtóbe oblysynda 26 tamyz kúni jantúrshigerlik jol apaty boldy, dep habarlaıdy “Adyrna” ulttyq portaly.
Álııa aýylyndaǵy jol-kólik apatynan zardap shekken bala aýrýhanaǵa jetkizilgen soń kóz jumdy.
Bir úıdiń 5 adamy qaza tapqan jol apaty Samara - Shymkent tasjolynda bolǵan. Dárigerler Qobda aýdandyq aýrýhanasyna jetkizilgen balany aman alyp qalý múmkin bolmaǵanyn aıtty.
“Jedel járdem alǵashynda 3 jasar bala dep shamalap aıtty. Túrli dene jaraqatyn alǵan balany aman alyp qalý múmkin bolmady. Dárigerler 30 mınýt boıy jantalasqanymen, 2020 jyly týǵan bala kóz jumdy. Al aýrýhanaǵa túsken júrgizýshiniń jaǵdaıy birqalypqa tústi. Qazir esin biledi, biraq jaǵdaıy aýyr. Ony sanavıaııamen Aqtóbe oblystyq kópsalaly aýrýhanaǵa jetkizý joly qarastyrylyp jatyr”, — dep habarlady Aqtóbe oblystyq densaýlyq saqtaý basqarmasynyń baspasóz qyzmeti.
26 tamyz kúni saǵat shamamen 18:45-te jol-kólik apatynan birden tórt adam kóz jumǵan edi.
Qaıtys bolǵandardyń ishinde ekeýi 12 jastaǵy qyz jáne 14 jastaǵy ul.
